Emakumeak borrokan

Jaurlaritzak baieztatu du 3. mailako probak antolatzen hasi dela

  • "Hasi gara zentroekin harremanetan jartzen eta probak antolatzen. Prozesu luzea denik ez dut esango, baina ez da egun batetik bestera egiten. Aste honetan hasi gara jada", azaldu dio Cristina Uriarte Hezkuntza sailburuak EiTBri. Hainbat ikastetxe eta herritan mobilizazioak deitu dituzte jadanik.

ARGIA @argia
2015eko maiatzaren 21a
Hainbat ikastetxetan jadanik hasi dira planto egiteko erabakiak hartzen. Irudian Santutxuko gurasoen agerraldia (Hezkuntza Plataformen Topagunea).

Hezkuntza Plataformen Topaguneak azaldu duenez LOMCEk agindutako lehen hezkuntzako 3. mailako probei ekingo die ostegun eta ostiralean Jaurlaritzak.

Cristina Uriarteren inolako informaziorik eman ez badu ere, hezkuntzako hainbat eragilek ziurtatu dute 3. mailako ebaluazio diagnostikoekin hastekotan dela. Hala, Uriola.infok argitaratu duenez Gasteizko Zabalgana eta Ramon Bajo ikastetxeetan azterketa egitera deitu ditu Hezkuntza Sailak ostegunean.

Gasteizko hezkuntza plataformak agerraldi masiboa egingo du gaur goizean Zabalgana ikastetxearen aurrean ikasle eta langileei elkartasuna adierazteko, eta mobilizazioak ere antolatu ditu zentro guztietan. Plataformak Eusko Jaurlaritzak daraman “sekretismoa” salatu du, oraindik ez baitu publiko egin azterketa egitera derrigortuta egongo diren 30 ikastetxeen zerrenda.

Euskadi Irratiko Faktoria saioa Hezkuntza Sailarekin harremanetan jarri da goizean azterketak ostegun eta ostiralean egingo dituen jakiteko. Sailetik ez dute halakorik baieztatu, baina ezta ezeztatu ere.

Mobilizazioak herrietan

Hainbat ikastetxetan jadanik guraso eta komunitateak ari dira aurrez aldetik azterketa horiei planto egiteko erabakiak hartzen eta mobilizazioak antolatzen.

Gasteizko ekitaldiez gain, Bilboko Santutxu auzoan, Derion, Agurainen, Hernanin, Lezon eta Santurtzin ere kontzentrazioak egingo dituzte ostegunean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: LOMCE legea

LOMCE legea kanaletik interesatuko zaizu...
Azkenak
EGILEA
Eguneraketa berriak daude