Mathieu Horn atera da bigarren itzulian garaile, botoen %37,38 lortuta. Lehia estua aurreikusia zen lau hautagaien artean, ikusita lehen itzulian guztiak zirela botoen %20 eta %30 lortuta kokatu. Finean, arrakala agertu da lehen bien eta azken bien artean.

Gehiengo osoa lortu du eskuineko zerrendak, Jean-René Etchegarayren hautagaitzak: botoen %51 inguru. Atzetik gelditu da Jean Claude Iriart abertzalearen zerrenda, Henri Etcheto sozialistenarekin elkartuta.

Harro mintzatu da Etchegaray: “Baionarrek egonkortasunaren alde egin dute”.

EAJko Peio Etxelekuk bozen %46,54 lortu ditu, eta beste bi hautagaiekiko aldea handitu du bigarren itzulian: orain arte auzapez izandako Christian Devèze zentristak %33,74 eta ezkerreko abertzalea den Argitxu Hiriart-Urruty-k %19,7. Ez du aurreratu nahi izan Herri Elkargoan lehendakari gai izango den, eta Marienia proiektuaren indargune hau nabarmendu du: "Gaur gaurkoz kanbotarren gehiengo handiak ezetz esan dio proiektuari".

Errugbiko aurpegi ezagunak zentroaren eta eskuinaren boza bereganatu du eta bera izango da Miarritzeko auzapez, %41,92 lortuta:

Lehen itzulian baino airosoago gailendu zaio Beñat Arlaren hautagaitzari. Baina Fourquetek eskua luzatu dio Arlari, elkarrekin egin dezaten lan.

Sébastien Etchebarne zentristak eskuratu du Urruñako (Lapurdi) Herriko Etxea, bozen %48,44 eskuratuta. Orain arteko auzapez Filipe Aramendi abertzalearen zerrenda ezkertiarrak (abertzaleak ere barnebiltzen dituena) bozen %37,64 lortu ditu eta Martine Mignot-Carmé eskuindarrak bozen %13,92. 

https://www.argia.eus/albistea/abertzaleek-urruna-galdu-dute

Lehen itzulian baino alde txikiagoa ukan badu ere, Louis Labadot auzapez komunistak segituko du Herriko Etxearen gidari Zuberoako hiriburuan.

Auzapen aulkia atxikiko du Pascal Joucouk Beskoitzen (Lapurdi), botoen %52,07 lortuta.

Martxoaren 15ean iragan zen lehen itzulia Ipar Euskal Herriko 158 herrietan. 147 herrietan argitu zen Herriko Kontseiluaren osaketa berria: