Izarran Maddi Agirrek irabazita amaitu da lehen fasea
- Izarran jokatu da lehen faseko azken saioa. Maddi Agirrek irabazi eta lortu du Dulantzirako txartela. Honela erabakita geratu da nortzuk jokatuko duten hurrengo fasea, finalaurrekoak.
aurre egingo dieten hedabide independenteak
Iritsi da 2026ko Arabako Bertsolari Txapelketa, XVII. edizioa da aurtengoa. Azken edizioetan irudikatu genuen ibilbideari jarraiki, Arabako bertsolaritzaren talde elkarlana adierazten duen irudia fondoan, 18 bertsolariekin jokatuko den txapelketako lehen fasea Oionen hasi zen, Laudion jarraitu eta hirugarren saioa Izarrako Kultur Etxean jokatu da.
Jokoan aritutako sei bertsolariak, hurrengoak:
Asier Otamendi Alkorta - Urretxu/Gasteiz
Danel Herrarte Nafarrate - Aramaio
Xabi Igoa Eriz - Aramaio
Rikardo Gonzalez de Durana Alzola - Oreitia
Eli Zaldua Barquin - Gasteiz
Maddi Agirre Epelde - Gasteiz
Lehen fase honetan 13na bertso puntuagarri kantatu dituzte bertsolariek. Ariketa guztiak egin ondoren, Maddi Agirrek lortu du puntu gehien, 251 puntu. Lehen faseko hiru saioen puntuazioaren hurrenkeran osatuko dira finalaurrekoak. Puntuazioak ondorengoak izan ziren:
Maddi Agirre: 251 puntu
Asier Otamendi: 251 puntu
Xabi Igoa: 249 puntu
Danel Herrarte: 239,5 puntu
Rikardo Gonzalez de Durana: 229,5 puntu
Eli Zaldua: 225 puntu
Hamabi lagunez osatutako gai-jartzaile taldetik Etxaun Otaño Zikunegi izan da Izarrako aurkezlea. Lehen faseko hirugarren saioko epaimahaia horrela osatuta egon da: Ekaitz Elorriaga Anduaga, Fernando Sopelana Alonso eta Aitor Jimenez Tolosana. Endika Jimenez Enbeita idazkari lanetan.
Hurrengo saioa, martxoaren 7ean izango da Dulantziko Kultur Etxean, arratsaldeko 17:30ean.
