Kabalkada edo tobera deitzen den emanaldi honetarako gaia Xabier Itzainari bururatu zaio. Bere ustez “errepresio handia” jasan zuen Itsasu udalerriak. Bestalde, Lazkanok azpimarratu du hizkuntzaren problematikaz ere idatzi duela, eta hala, iragana eta oraina islatuko ditu aurtengo emanaldiak. Gaiak ironiaz landuko dituzte eta modu dibertigarri batean eskainiko dituzte. Toberaren berezitasunetako bat uxerra hiltzea eta berpiztea da, Zuberoako maskaradan Pitxurekin egin ohi den moduan.

Bertsolariek agerraldi bakoitzaren amaieran gai librean abesten dute zati bakoitzari buruzko aipamenak egiteko. Gilen Hiribarren dantza koordinatzailearen esanetan “Toberak dira alde kritikoa, eta dantza alde polita. Dantzak itxura noble bat ekartzen dio kabalkadari”.

Informazioa gehiago

Zer dira kabalkadak eta toberak? (eke.org)