Italiako Gobernuak 20.000 milioi euro bideratuko ditu Monte dei Paschi bankua erreskatatzeko

  • Kapitala diru pribatuaren bidez handitzeko prozesuak porrot egin ostean, bankua erreskatatzeko dekretua onartu du Italiako Gobernuak.  


2016ko abenduaren 23an - 11:03

Diru publikoarekin erreskatatuko dute munduko bankurik zaharrena. Italiako Gobernuari eskatu dio laguntza Monte dei Paschi (MPS) bankuak, ez dituelako bildu erreskatatzeko beharrezko zituen 5.000 milioi euroak.

Zehazki 27.000 milioi euro pilatu ditu Monte dei Paschi-k mailegu usteletan (eman dituen guztien artean %42), eta bere akzioak %87,5 jaitsi dira urte betean. Kapitala diru pribatuaren bidez handitzeko prozesuan murgilduta, Qatar inbertsio funtsarekin egon da negoziaketetan MPS. Hala ere, ez du behar beste diru lortu. Bankua salbatzeko 5.000 milioi euro behar zituen, eta 2.450 milioi besterik ez ditu lortu.

Italiako Gobernuari laguntza eskatu, eta 20.000 milioi euroko diru funtsa sortu du horrek, MPS eta arazoak izan ditzaketen bankuak laguntzeko. Modu horretan, herritarren esku geldituko da bankuen zorraren zati handi bat, urtarrilean Europako bankuak diru publikoarekin erreskatatzea eragozten duen araua ezarri zen arren.

Izan ere, Bail-in izeneko sistema jarri zen martxan Europan 2016ko urtarrilean. Horren arabera, bankuaren akziodunek, zordunek eta, egoeraren arabera, gordailu handiak dituzten bezeroek erreskatatu beharko dituzte bankuak, eta ez zergapekoek.

Espainiako Estatuko erreskatean, 51.000 milioi euro eman zizkien mailegu Espainiako Gobernuak bankuei. Eta hiritarrek krisia ordainduko ez zutela zin egin zuten arren, Gobernuak jarritako diru horren erdia betiko galdu dela adierazi du Espainiako Bankuak, zehazki 26.300 milioi euro.


Kanal honetatik interesatuko zaizu: Ekonomia krisia
Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Bizitzaren garestitzeak etenik ez: argindarra, gasa, udal zergak eta autobideak, garestiago

Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Eguneraketa berriak daude