Iruñeko polizia-etxean hildako gizonaren kasua argitzeko eskatu dute hainbat erakunde sozialek
Asteartean, urriak 25, Espainiako poliziak Iruñean duen polizia-etxean hildako gizonarekin zer gertatu zen argitzeko eskatu dute Paperak eta eskubideak denontzat, EH11 Kolore, SOS Arrazakeria, Sare Antifaxista eta Salhaketa Nafarroa plataformek.
42 urteko senegaldarra astearte arratsaldean atxilotu zuten. Ustez estupefaziente trafikoagatik harrapatu zuten, Diario de Noticias egunkariaren arabera. Testiguek diotenez, atxilotu nahi zuten agenteekin borrokatu ondoren, bost polizien artean sartu zuten polizia-autora.
Geroago, polizia-etxean hil zen gizona. Poliziak ohar batean adierazi duenez gizonak arnasarik hartzen ez zuela jabetu eta suspertze maniobrak egin zizkioten, baina ezin izan zuten ezer egin.
Paperak eta eskubideak denontzat, EH11 Kolore, SOS Arrazakeria, Sare Antifaxista eta Salhaketa Nafarroa plataformek gertaturikoa argitzeko lanean hasteko eskatu diete erakunde publikoei: "Parlamentuak eta udalak ardurak eskatu beharko lituzkete eta gertatutakoa ikertzeko eskaera egin beharko lukete". Bestalde, atxilo-aldietan protokolo ziurrak behar direla defendatu dute, atxilotuei osasun psikologiko eta fisikoa bermatzeko.
Zabalduriko oharrean erakunde sozialek hedabideei gaia tentuz jorratzeko eskatu diete, informazio guztia izan arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]