"Pamplona, ciudad de luces" du izena lehiaketaren kartel irabazleak, Adriana Eransus iruindarrak egindako. Bera da sanferminak iragartzen dituen kartela egiten duen bosgarren emakumezkoa.
Beste zortzi kartelen artean lehiatu da irabazlea eta bozketan parte hartutako 6.511 herritarren artean, 2.200 boto lortu ditu. Aurtengo kartelean Braulia eta Toko-toko erraldoiak ageri dira dantzan Iruñeko Gazteluko Plazan. Iruñeko Erraldoien Konpartsako erraldoiak dira biak eta, bere dantza eta gira-bira sutsuengatik oso ezaguna eta maitatua da Braulia haur eta gainerako herritar erraldoizaleentzat. Erraldoiek konpartsak egunero egiten duen ibilaldia izango da sanferminetako ekitaldi jendetsuenetakoa.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.
Sexu erasoak gaitzesteko elkarretaratzea deitu du Iruñerriko Mugimendu Feministak astelehenean 21:00etan Gaztelu Plazan. Cristina Ibarrola alkateak dio "sexu erasoak kenduta" festak lasaitasunez ospatzen ari direla.