Ipar Koreako buruzagi Kim Jong Il hil da
Kim Jong Il larunbatean hil zen, 69 urte zituela. Parte mediku ofizialak dio kolapso fisiko-mental baten ondorioz hil dela; adituek azaldu dutenez, bihotzekoak eman zion Ipar Koreako buruzagiari. Haren oinordekoa bere seme Kim Jong Un izango dela iragarri du KCNA agentziak.
Buruzagiaren hirugarren semea da Kim Jong Un. Gauza gutxi ezagutzen da berari buruz; zein adin duen ziur esaterik ere ez dago, soilik 30 urteren bueltan dabilela.
Hego Koreak, bestalde, bere ejertzitoa "alerta egoera gorenean" jarri du, eta Segurtasun Kontseilu Nazionalaren emergentziazko bilera deitu du. Teknikoki, Hego eta Ipar Koreak gerran jarraitzen dute. Koreako Gerra (1950-1953) armistizio batekin amaitu zen, baina bi herrialdeek ez dute sekula bake-itunik sinatu.
Kim Jong Il-ren heriotzaren albistea Ipar Koreako estatu-telebistan:
- Irakurri Iker Blasek Ipar Koreari buruz ARGIAren 2.160. zenbakian plazaratutako erreportajea: Estatu jutxeista nazioartean.
