Hein de Haas Herbeheretako ikertzailearen Migration Really Works (Migrazioak benetan nola funtzionatzen duen) liburuan oinarritu da Xabier Letona kazetaria Argia aldizkariko Larrun gehigarriaren azken alea osatzeko. 16 orrialdetan zehar, inmigrazioaren inguruko 22 mito deskribatzen dira eta baita desegin ere.
Letonak berak aldizkariaren sarreran aipatzen duen moduan, “mezu nagusietakoa da gainditu behar dela inmigrazioaren alde/kontra diskurtsoa, inmigrazioa mundu modernoaren fenomeno ekonomiko, soziala eta kulturala delako, ikertu eta ulertu beharrekoa, ondorez beharrezko neurriak hobeto hartzeko. Ezin da kontrolatu inmigrazioa nahieran, beraz, uler ditzagun bere egungo joerak eta ezaugarriak, eta hori onuragarria izango da guztiontzat, bai jatorrizko herrialdeentzat, bai harrerakoentzat”.
Metropoli Forala saioan Xabier Letonarekin mintzatu gara eta mito hedatuenak aipatu ditugu.
