Independentziari buruzko galdeketak: Azpeitian ekainaren 12an, Diman 19an

  • 2018ra bitartean ahalik eta herri galdeketa gehien egitea da Gure Esku Dagok eskuartean duen erronka. Asteburuan galdeketak iragarri dituzte Azpeitian eta Diman. Lehenengoan ekainaren 12an egingo dute; bigarrenean ekainaren 19an, goierritarrekin batera.


2016ko urtarrilaren 18an - 11:04
Azpeitiako galdeketaren xehetasunak azalzteko agerraldia egin du Hitzartu elkarteak (Arg: Gorka Rubio)

Azpeitian prozesua azaltzeko agerraldia egin du larunbatean Hitzartu taldeak. "Nahi al duzu izan euskal estatu independente bateko herritar?" galderari baiezkoa edo ezezkoa erantzun beharko diote herritarrek. Azpeitia izango da orain arte galdeketa egin duen herririk handiena.

15 lagunek osatutako talde eragilea da Hitzartu, erabakitzeko eskubidearen gauzapena helburu duena. Hurrengo urratsa galdeketaren aldeko sinadurak biltzea izango da. Martxoa erdialdera bitartean gutxienez 1.500 lortu nahi dituzte, hots, biztanleriaren %10 baino gehiagoren babesa.

Behin nahikoa sinadura bilduta, galdeketa antolatu eta kanpaina egingo lukete, herritarren parte hartzea sustatuz. Hirugarren eta azken urratsa ekainaren 12an galdeketa egitea litzateke. Hitzarturen esanetan, prozesu honen helburu nagusia galdeketa antolatu eta ahalik eta herritar gehienek parte hartzea da, eta ez baiezkoak irabaztea.

Diman Alkarregaz elkartea sortu dute

Dimarrek igandean jakinarazi dute independentziari buruzko herri galdeketaren data: ekainaren 19an egingo dute, Goierriko 22 herriekin batera.

Gure Esku Dagoren ekimenez Alkarregaz izeneko elkartea sortu dute, galdeketa aurrera eramateko. Talde honetako kideak izango dira itaun zehatza erabakiko dutenak.

Aitzindariak: Etxarri Aranatz eta Arrankudiaga

Independetziari buruzko lehen galdeketa Etxarri Aranatzen egin zuten, 2014ko apirilean. Galdera honakoa izan zen: “Nahi al duzu Euskal Herri independente bateko herritarra izan?”. Parte hartzea %42,7koa izan zen, eta horietatik %94 baiezkoaren alde agertu ziren.

Galdeketa egiten hurrengoa Arrankudiaga izan zen, urte bereko azaroan. Kasu honetan parte hartzea altuagoa izan zen (%61,5), eta jende gutxiagok egin zuen baiezkoaren alde (%89).


Kanal honetatik interesatuko zaizu: Gure Esku
Gure Esku-k ‘Herri libre bat’ dinamika aurkeztu du

Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


"Popatik hartzera" bidali ditu ertzain batek hiru lagun, euskaraz aritzea eskatzeagatik

Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]


2023-06-20 | Hala Bedi
Trebiñuren erabakitzeko eskubidea aldarrikatu du Gure Eskuk

Trebiñuko herritarrek bizi duten egoera "anakronikoa" salatu zuten igandean.


Eguneraketa berriak daude