ARGIA.eus

2021eko apirilaren 18a

Iņaki Aldekoa hil da, ezker abertzaleko kide historikoa

  • 81 urterekin zendu da Iñaki Aldekoa Azarloza (Zornotza, 1940-2021) Herri Batasuna eta Aralar alderdiekin hainbat kargu izan zituen ezker abertzaleko kidea. Frankismo betean hasi zuen bere ibilbide politikoa eta ETA eta Espainiako Gobernuaren arteko Aljerreko elkarrizketetan ere hartu zuen parte, besteak beste.

ARGIA @argia
2021eko apirilaren 08a
Iņaki Aldekoa 2011n egindako argazki batean (arg.: Alex Larretxi)

Iñaki Aldekoa, Nafarroako Parlamentuan parlamentari izan zen Herri Batasunarekin, baita Espainiako Kongresuan diputatu ere, 1986an. Lehenago, ESB-Euskal Alderdi Sozialista alderdiko idazkari izan zen.

Ingeniaritzan doktore, bere ibilbide militantea EGIn hasi zuen, eta Larrinagako kartzela ezagutu zuen horregatik urtebetez. Frankismo garaian ETAren V. asanbladan banatutako korronte armatuetako batekin, ETA Berri-rekin egin zuen bat Aldekoak denbora laburrez; ondoren ELA sindikatuan ere ibili zen. 80ko hamarkadan berriz ere kartzelaratu zuten hiru urtez ETAri laguntzea egotzita.

Ezkerrean, ESBren ekitaldi batean hitzaldia ematen. Eskuinean, 1986ko hauteskundeetan bozka emateko unean (argazkiak: ARGIA artxiboa)

Aldekoak Aljerreko 1989ko elkarrizketetan hartu zuen parte, eta ondoren HBren posizioetatik aldendu eta Txilen bizi izan zen denbora batez. Aralar sortu zenean alderdi horretako kide egin zen eta 2007an Arabako foru diputatu hautatu zuten Aralar-EB koalizioarekin. Ostegun goizaldean hil da.

Hemen ARGIAk Aldekoarekin izandako bi elkarrizketa:

- "Ez goaz Madrilera kredentzialak hartzera eta agur Ben-Hur" (2011)

- "Azken Fasean Sartu Gara" (1983)

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

Azkenak EGILEA
Argia buletina
Egunaren laburpena
zure e-postan
Eguneraketa berriak daude