Ibon Fernandez Iradiren askatasun eskaerari erantzuna, asteartean

  • Esklerosi anizkoitza du Fernandez Iradi presoak. Aske uztea exijitzeko elkarretaratzea egingo dute asteartean 18:30ean, Baionako Herriko Etxearen aitzinean.

Jenofa Berhokoirigoin @Jenofa_B
2019ko azaroaren 11
Fernandez Iradiren askatasuna eskatzeko elkarretaratzea, Baionan

Ibon Fernandez Iradi euskal presoaren askatasun eskaeraren gaineko erabakia asteartean jakinaraziko du Zigorrak Ezartzeko Frantziako Auzitegiak. Horren kari, elkarretaratzea egingo dute egun horretan berean 18:30ean, Baionako Herriko Etxe aitzinean. Esku-argiekin eta kandelekin etortzeko eskaera egin dute antolatzaileek. Esklerosi anizkoitza du presoak.

Erabakia urriaren 30ean eman behar baldin bazuten ere, azaroaren 12ra arte atzeratu zuten. Gibelatze horrek presoari zein haren senideei gehitu "ondorio humanoak" eta "arrangurak" deitoratu zituzten hori jakin orduko.

Anartean, Lannemezango (Okzitania) kartzelan segitzen du. Hamasei urte pasa ditu preso eta esklerosi anizkoitza 2012an diagnostikatu zioten. Eritasunari aurre egiteko beharrezko dituen baldintzak kartzelan bermatu gabe direla azaldu zuen Paulus Basurco Fernandez Iradiren abokatuak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal gatazka kanaletik interesatuko zaizu...
Azkenak
EGILEA
Eguneraketa berriak daude