Hori da bidea

  • Gure esku dago ekimenak antolaturiko giza katea eta Katalunian ANC (Assemblea Nacional Catalana) erakundeak antolatutako "Via Catalana"-ren arteko konparaketa ekidinezina da. Katalunian eginiko mobilizazio erraldoiak bozgorailu ugari piztarazi zituen Europan zein munduan, eta Kataluniak duen arazo politikoa hedabide askoren agendan kokatu zuen.


2014ko ekainaren 09an - 00:00
Azken eguneraketa: 2015-02-26 13:37:33

Euskal Herria eta Katalunia oso desberdinak dira, euskaldunak eta katalanak desberdinak garen heinean. Izatez, gertu dauden herriak izanik eta beraien arteko giza erlazioa handia bada ere, finean, uste baino alde gehiago daude bien artean. Alde nagusia ez da kontzertu ekonomikoa edo konbenioa edukitzeak ematen duen izugarrizko alde ekonomikoa. Nire ustez, askoz ere haratago doa, esaterako etorkizunarekiko dugun baikortasun edo ezkortasuna, gauzen alde onak eta txarrak aztertzeko modua edota norbere buruarengan dugun sinesmena edo konfiantza.

Via Catalana-k arrakasta bikoitza izan zuen: mobilizazio soziala eta elkarren arteko mutur-jotze politikoa gainditzea. Denek egin zuten bat Via-n: CiUk eta ERCk; ICVk eta CUP-ek. Hori posible izan zen, alderdi horien guztien militanteek bat egitea nahi izan zutelako. Alderdien kontsignek ez dute ezer balio, jendeak bildu nahi ez badu. Beraz, gauza nagusia, jendearen elkarlanerako borondatea izan zen. Posible al da hori Euskal Herrian? Giza katearen balioa horretan datza: jende desberdina elkarlanean jartzeko tresna izan dela. Horrelako ekimenik gabe, eta horrelako elkarrekiko ariketarik gabe, Euskal Herriak ez du askapen prozesurik izango, ez orain ezta etorkizunean ere. Horregatik, hain zuzen, merezi duen balioa eman behar zaio giza kateari. Han ere, iritzi desberdineko pertsona asko baitzegoen. Baikeunden. Hori da bidea.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude