Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteartea 2026ko urriaren 13an
Babacarren heriotza salatzen duten kartelak kentzen aritu dira ertzainak Hondarribian
Asteazkenean, udaltzain batek Babacar Welle tiroz hil eta bi egunera, Udaltzain batek gizon bat tiroz hil du. Poliziaren inpunitateari ez dioten kartelak jarri dituzte Hondarribiko kaleetan. Herritar talde batek ARGIAri jakinarazi dionez, Ertzaintzaren patruila-auto bat kartel horiek kentzen aritu da. "Pertsona bat hil dute Hondarribian eta badirudi soldata publikoa kobratzen duten agenteen lehentasuna errealitate hori ezkutatzea dela, gertatu dena ikertu eta ardurak hartu ordez", salatu dute.
Ertzain bat, Hondarribiko kultur etxeko horma batetik kartelak kentzen, alde zaharreko Juan Laborda kalean.
Kazetaritza independenteak herritarren babesa du arnas
"Guk dakigula, kartelaren lehenbiziko zatiak dioena informazio objektiboa da: Hondarribiko udaltzain batek hiru tiro botata hil zuen astelehenean Babacar Welle, buru-osasun larriak zeuzkan eta kalean bizi zen herrikidea", diote ARGIArekin harremanetan jarri diren herritarrek. "Karteleko bigarren esaldia berriz, aldarri politiko bat da, bere burua demokratikotzat jotzen duen gizarte batek onartu behar lukeen zerbait". GKSk sinatuak daude kartelak.
"Hara gure sorpresa, kalean kartel horiek agertu eta handik ordu erdi edo ordubetera, ertzaintzaren patruila-auto bat banaka-banaka horiek kentzen ikusi genuenean", adierazi dute. Une hori jasotzen duen argazkia bidali diote herritarrek ARGIAri. Hondarribiko alde zaharrean jarritako ia denak kendu zituztela diote, eta portu aldean ere ibili zirela kartelak kentzen.
Lekukotza anonimoki ematea erabaki duten herritarrok adierazi dute udal-langileei dagokiela kaleko kartelekin zer egin erabakitzea, ez Ertzaintzari. "Bestalde, indar polizialek ez daukate eskubiderik herritarrek (izan norbanako gisa, izan kolektiboetan antolatuta) adierazten dituzten iritzi politikoak isilarazteko".
"Pertsona bat hil dute Hondarribian eta badirudi soldata publikoa kobratzen duten agenteen lehentasuna errealitate hori ezkutatzea dela, gertatu dena ikertu eta ardurak hartu ordez", salatu dute. Eta gaineratu Irungo ertzain-etxeko arduradunek eta Eusko Jaurlaritzako segurtasun sailburuak azalpenak eman beharko lituzketela. "Bestela, hain zuzen, kartelak salatzen duenaren aurrean egongo gara: poliziaren inpunitatea, bai gure bizilagunak tiroz hiltzeko, baita horren aurrean esateko daukagun edozer isilarazten saiatzeko ere".
Irakurrienak
Matomo erabiliz
#1
#2
#3
Gorka Bereziartua
#4
Aritz Ibarra
#5
Behe Banda
Polizia gehiegikeriak kanalean gehiago
2026ko urriaren 9
Infiltratutako poliziei buruzko ikerketen aurkako zentsurak El Salto-ri ere eragin dio
2026ko urriaren 6
Poliziak euskaraz aritzeagatik eraso egin diola salatu du 15 urteko ikasle batek Baionan
2026ko urriaren 5
ARGAZKI GALERIA | Azken hamarkadetako manifestaziorik jendetsuena Santurtzin, Anderrentzat justizia eske
2026ko urriaren 5
“Ander, Babacar eta Cabacas gehiagorik” ez izatea aldarrikatu du jendetzak Santurtzin
2026ko urriaren 1
Awa Seck
“Babacar ezin digute itzuli, hilotz bat bueltatuko diogu familiari, baina justizia bai egin daiteke”
2026ko urriaren 1
Epaitegiek uko egin diote Iker Arana foam-bala batekin zauritu zuen ertzainaren arduraduna ikertzeari
2026ko irailaren 30
Irungo Harrera Sarea:
"Gero eta nabarmenagoa da kalean bizi diren atzerritarrenganako gorroto giroa"
Eguneraketa berriak daude
Kontsultatu Hemeroteka berria
1919tik gaur arteko aldizkari guztiak online
150.000 orrialdetik gora dira, euskaraz eta Euskal Herriari idatziak. Mende bat baino gehiagoz, Euskal Herriko historiaren lekuko eta euskal kazetaritzaren eragile izan da ARGIA. Ondare hori euskal komunitate osoaren zerbitzura jarri dugu lizentzia libreekin.