Lehenengo sutea aurreko, asteko egunean, ekainaren 11n, 23:49 aldera gertatu zen Algortan, arropa biltzeko edukiontzi batean. Geroago, 00:30 inguruan, beste edukiontzi batek su hartu zuen Negurin, eta ondoan aparkatutako ibilgailu bati kalteak eragin zizkion. Udaltzainak abisua jaso eta minutu eskasera iritsi ziren, eta sua inguruko edukiontzietara zabaltzea saihestu zuten.

Handik gutxira, Areetan ere esku hartu behar izan zuten agenteek. Lehenik zakarrontzi bat erre zen, eta, ondoren, inguruko kale bateko beste edukiontzi batek hartu zuen su; azken sute horrek beste ibilgailu bati ere kalte egin zion.

Azken gertakariaren inguruan identifikatu zituzten hiru gazteak, suteen ustezko egile gisa. Udaltzaingoak ikerketarekin jarraitzen du gertatutakoa argitzeko eta izan daitezkeen erantzukizunak zehazteko.