Hilaren 26an estreinatuko da ‘Arriya’ filma zinemetan
Alberto Gorritiberearen bigarren filma da Arriya, eta Zumaian, Zestoan eta Gipuzkoako beste hainbat lekutan egin ziren grabaketak aurreko udan. Euskaraz, gaztelaniaz eta frantsesez egindako filma da, eta maiatzaren 27an bota zuten lehen aldiz doan Zestoako plazan.
Uztailaren 26tik aurrera aurkeztuko du Gorritibereak Arriya Euskal Herriko zinemetan. Zinemagileak bi sendik harri baten inguruan egindako apustua hartu zuen filmaren ardatz; nork mugituko duen milaka kiloko harria azkarrago, zaldi batek edo mando batek, horra hor filmeko bi familien arteko apustua.
Hiru hizkuntzatan egin da filma, eta hori euskaldunen errealitatearen isla ahalik eta justuena egiten saiatu delako dela azaldu du zuzendariak: "euskarazko pelikula bat da, baina euskaldun bezala, nik uste dut herri baten metafora egiten hasten garenean barreneko osagai guztiak kontuan izan behar direla. Ezin gara mugatu hizkuntza batera."
Filmak nazioarteko hainbat zinemalditan hartu du parte, eta hainbat sari ere eskuratu ditu.
Hona hemen, Argia astekarian 2287.alean Gorriti aita semei egindako elkarrizketa.
Tarte honetan, Malagako zinemaldirako prestatutako trailerra:
