Ipar Euskal herriko 158 herrietan bozka eguna izan dute igande honetan, Herriko Kontseiluen osaketa berria bozkatzeko. 115 bat herritan zerrenda bakarra zuten, 30 bat herritan bi zituzten eta hamalau herrietan, berriz, hiru zerrenda edo gehiago. Hori horrela, gehienez hamalau herrietan izanen dute bigarren itzulia datorren igandean.

Orotara, 226 zerrenda osatu dituzte Ipar Euskal Herriko herritarrek. 2025eko maiatzaren 11n bozkaturiko legeari segi, mila biztanlez gorako herriek bete beharreko baldintza herri guziei bideratu zaie lehen aldikoz: zerrenda osoak eta parekideak osatu beharra. Horrek ekarri du zerrenda gutiago aurkeztu direla.