ARGIA.eus

2022ko urtarrilaren 22a

Haurren hizkuntza garapena euskaraz aztertu ahal izango da Higa tresnari esker

  • Ohikoa bestea baita, haur euskaldunek hizkuntza garapenean zailtasunak dituztenean frantsesezko edo gaztelaniazko ebaluazio tresnak erabiltzen dira sarri. Haurren ahozko garapena aztertzeko balioko duen Higa tresna aurkeztu berri dute, zeinak Euskal Herri osorako balioko duen.

ARGIA @argia
2021eko abenduaren 06a
Higa tresnaren aurkezpena. Argazkia: Geroa Fundazioa.

Albistearen berri kazeta.eus hedabideak eman du. Higa tresna Geroa Fundazioak finantzatu du eta 70.000 euroko laguntza eman du. Tresnaren sortze lanetan aritu dira Marie Pourquie Iker zentroko ikerlaria, Maria-Jose Ezeizabarrena Elebilab-eko zuzendaria eta Euskal ortofonisten elkarteko kideak. Tresnak 4 eta 8 urte arteko haur euskaldunen hizkuntza garapena aztertzeko balioko du. Ortofonistek (logopeda deituak Hego Euskal Herrian) garatu dute Higa tresna eta hain zuzen ortofonistek erabiltzeko tresna da. Bai Ipar Euskal Herriko ortofonistek bai Hegoaldekoek euskarazko tresnen hutsune izugarria plazaratu izan dute. Umeen ahozko, idatzizko edo irakurketa jardunaren garapena ebaluatzeko tresna gehienak erdaretan dira eta ebaluaketaren fidagarritasuna zalantzan gelditzen da ikertzen ari direna umeak euskaraz duen garapena aztertzea bada. Horregatik, profesionalentzako tresna garatu dute, euskaraz ari diren umeei lagundu ahal izateko. Helduen eremuan egoera ez da hobea. Higa tresna ez dago oraindik erabilgarri. 250 haurrekin proba egin dute eta emaitzen azterketa garaian dago.

Marie Pourquié neuropsikohizkuntzalaria 2020ko maiatzean elkarrizketatu genuen ARGIAn eta kontatu zigun nola ari ziren tresna garatzen. Elkarrizketa horretan ohartarazi gintuen hizkuntza patologiak dituzten euskaldunak ebaluatzeko euskarazko tresnen premia larriaz: "Zergatik ez dugu hizkuntza kontuan hartuko hizkuntza arazoak baldin badira?"

Urte bereko irailean UEUk eta Iker zentroak Hizkuntzalaritza klinikoko I. jardunaldia antolatu zuten. Besteak beste tresnen gabeziez hitz egin zuten eta Euskal ortofonisten elkartea aurkeztu zuten: Afasiadun euskaldunen bizi kalitatea hobetu nahian

Kanal honetan artxibatua: Euskara

Euskara kanaletik interesatuko zaizu...
2022-01-21 | ARGIA
"Kontzientzia aldaketa gertatzen ari da Zuberoan, euskaraz mintzatzea gero eta onartuagoa da"

Zuberoako Lurralde Poloan euskararen ardura duen Maite Etcheverriarekin hitz egin dute Xiberoko Botza irratian. Karriketan denok euskaraz mintzatzen garenean izango dela egiazko urte baikorra dio, eta, zenbait aitzinatze izan badira ere, eskolan ala udalekuen aldetik adibidez,... [+]


2022-01-20 | Leire Artola Arin
UEMAk eta Behatokiak Nafarroako Gobernuari eskatu diote administrazioko tramite elektronikoak euskaratzeko

Herritarren hizkuntza eskubideak errespetatzeko neurriak galdegin dituzte. Gaur egun administrazioan telematikoki egin daitezkeen tramiteen %23 soilik egin daitezke euskaraz, eta tokiko erakundeen kasuan %2,5 besterik ez.


2022-01-19 | Leire Artola Arin
Korrika herri bakoitzetik noiz pasatuko den ikusgai jarri du AEK-k

22. Korrika Amurrion hasiko da martxoaren 31n, 16:30ean, eta Donostian amaitu, apirilaren 10ean. Guztira 2.180 kilometroko ibilbidea egingo du lekukoak, mezu sekretuarekin. Aplikazio baten bidez uneoro Korrika non dagoen jakiteko aukera egongo da.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude