'Harro!' jaio da, Euskal Herrietako LGBTI elkarte ezberdinek osatutako plataforma

  • Bilboko Zirika herri gunean eman dute ezagutzera plataforma, astelehen goizean. Aurkezpen ekitaldia, ostera, ekainaren 15ean izango da, Donostiako Uliako Guardetxean.

(Argazkia: Harro!)

2019ko maiatzaren 20an - 13:47

Harro! Euskal Herrietako Transmaribibollo plataforma beharrizan jakin batzuetatik jaio da: esparru politiko koherente eta kritikoak sortzeko, eta elkar sostengatu eta koordinatzeko beharretik, zehazki. Azaldu dutenez, faxismoaren gorakada eta pinkwashingaren erabilera tarteko, LGBTI kolektiboa erasoak pairatzen ari da etengabe. Hala bada, egoera horren aurrean “erantzun material bat emateko beharretik sortzen da Harro!”.

“Mugimenduaren sustrai erradikal eta antikapitalistei gainjarriz, bizi dugun kapitalismo ase ezin honek iraultzaileena ere irensten du, eta pinkwashingaren bitartez LGTB mugimendua erabiltzen ari da progresista plantak egiteko”, salatu dute. Honen adibide gisa jarri dute Ortzadar eta EAJren artean antolatutako BilbaoPride, “zeinak tolerantzia eta irekitasun irudi baten atzean, jendarte eta hiri eredu baztertzaile, elitista eta kapitalista sustatzen duen”, gay-friendly turismoaz auzoak gentrifikatuz eta prekarizatuz.

Nazioartera begiratuz gero ere adibiderik ez da falta: “Adibideotako bat da Israelgo estatu genozida. Palestinako lurraldeen aurkako apartheid politika pinkwashingaren bitartez ezkutatzen du: jomuga turistiko liberal eta gay-friendlya da, eta pasa den urtean Eurovision lehiaketa irabazi ostean —Gazan bonbak jaurtitzen zituen bitartean—, aurten zuriketa musikala dauka primetimean".

Faxismoaren gorakada ere izan dute hizpide: “Azken urteetan ikusi denez, kapitalismoa lur ongarritua izaten ari da faxismoarentzat”. Maila instituzional eta politikoan, zein norbanakoen partetik ematen ari diren gorroto delituak faxismoaren gorakada horren adierazletzat jo dituzte, eta azpimarratu ondorio larriak dituztela jomugaren lehen lerroan daudenentzat, LGBTI kolektiboak kasu.

Aurkezpena Donostian

Astelehenean Bilbon egindako agerraldian plataformaren sorrera iragarri badute ere, aurkezpen ekitaldia ekainaren 15ean egingo dute Donostiako Urgull mendiko Guardetxean, 17:00etan. Euskal Herrietako Transmaribibollo guztiei bertaratzeko gonbidapena luzatu diete.

Gaur gaurkoz, ondoko taldeek osatzen dute plataforma: EHGAM, Hiruki Larroxa Kolektiboa, Guztiok, Ozen!, Intifada Marika, Sare Lesbianista, Iris Proiektua, Euskal Hartzak eta Lumagorrik, beste zenbait militanterekin batera.


Kanal honetatik interesatuko zaizu: LGBTI
Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Transen eskubideen aldeko elkarretaratzea eginen dute Baionan, 800 eragileren deiarekin bat eginik

Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]


Alejandra Burgos eta Karla Guevara, El Salvadorko trans aktibistak:
"LGTBI komunitatea eta emakumeak beti egon gara salbuespen egoeran"

Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]


Nola landu desirak, aniztasun sexuala edota identitatea 12-18 urteko ikasleekin?

Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]


BOLLOTOPAKETAK
Bollera subjektua erdigunean jartzera datorren hitzordua

Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]


Eguneraketa berriak daude