2021eko ekainaren 16a
Harriet Iragi euskal presoa gerturatzearen aurkako helegitea onartu du Espainiako Auzitegi Nagusiak
Harriet Iragi presoa Castellongo espetxetik Logroñokora lekualdatu ostean, Dignidad y Justiciako presidenteak helegitea jarri zuen gerturatzearen aurka. Espainiako Auzitegi Nagusiak onartu egin du helegitea.
Hainbat manifestari euskal presoak euskal herriratzearen aldeko banderola eskutan, euskal presoen alde urtero egin ohi den mobilizazioan (Argazkia: Dani Blanco)
Espainiako Espetxe Erakundeak martxoan onartu zuen Harriet Iragi euskal presoa gerturatzea, Castellongo espetxetik Logroñokora. Erabakiaren aurrean helegitea jarri zuen Dignidad y Justiciako presidente Daniel Porterok, eta berriki onartu egin du Espainiako Auzitegi Nagusiak. Hogei eguneko epe-tartean lekualdatzearen inguruko informazioa helarazteko eskatu dio Espainiako Barne Ministerioari.
Iragik hemeretzi urte daramatza preso, eta 2012tik Castellongo espetxean ari da zigorra betetzen, Euskal Herritik 575 kilometrotara.