Hamar hitzordu Ategorrietako sarraskiari buruzko komikia aurkezteko udazkenean
Aurten 95 urte bete dira 1931ko maiatzaren 27an Guardia Zibilak zazpi langile hil zituela Donostiako Ategorrietan. XX. mendean, gerra testuingurutik kanpo, Euskal Herrian langileen aurka egindako sarraskirik handiena izan zen, eta gai hori ardatz hartuta komikia argitaratu dute ARGIArekin Malen Gainzarain ilustratzaileak, eta Beñat Apalategi, Lander Arbelaitz eta Markel Ormazabal gidoigileek. Bi kantuko biniloa ere dute. Bata Niña Coyote eta Chico Tornado talde donostiarrak eta Bala galiziarrek ondu dute, eta bestea, Gailu andoaindarrek eta Nakar donostiarrek.
Komikiak 1931ko gertakarien atzean zegoen errealitate sozial eta politikoa islatzen du, fikziozko hainbat protagonistaren bidez. Malen Gainzarainek egin ditu ilustrazioak eta Beñat Apalategi, Lander Arbelaitz eta Markel Ormazabal arduratu dira gidoiaz. Gainera, Koldo Izagirrek hitzaurrea eta liburuko amaierako poema egin ditu, eta komikiko elkarrizketetako hizkuntza-aholkulari izan da.
Goiko irudian dituzue aurkezpeneko data guztiak, eta beherago bi bideoklipak.
Niña Coyote eta Chico Tornado taldeak, Balarekin eginiko kantua: Abrado Derradeiro
Gailu eta Nakar taldeek eginikoa, Beñat Gaztelumendiren koplekin: Pasaiako herritik
