Hamaika Bertute bertsolari taldeak lehen urteurrena ospatuko du larunbatean (12) Durangoko Plateruenan. Berrogeita lau bertsolarik eta hiru gai-jartzailek egin dute jada bat ekimenarekin. Taldeko kideek agertu dutenez, 170 saio ingururen antolakuntza lanetan izan dira bitartekari; saio gehienak Gipuzkoan eskaini dituzte, baina gainerako herrialdeetara gehiago zabaltzeko asmoa agertu dute.