32 militar kubatarren gorpuak ostegunean heldu ziren Habanako Jose Martí aireportura. Zain zeuden Díaz-Canel presidentea eta Raúl Castro jenerala, besteak beste. Ostiralean, gobernuak milaka pertsona bildu zituen “heroiak” omentzeko manifestazioan.

Tribuna “antiinperialistan” gobernuko buruak batu ziren militar uniformeekin jantzita. Bertatik, Díaz-Canelek adierazi zuen AEBekin elkarrizketak egiteko eta bi herrialdeen arteko harremanak hobetzeko prest dagoela Kuba, baina berdintasun baldintzetan eta elkarrekiko errespetuan oinarrituta. Ohartarazi zuen Kubak ez duela amorerik emango, ezta ere “hertsadura edo intimidazioan oinarritutako inolako ulermenik” onartuko. Mobilizazioan 500.000 lagundik gora parte zutela adierazi du Kubako Gobernuak. 

AEBen eta Kubaren arteko tentsioa gora doan bitartean, Díaz-Canelek Kuba eta Venezuelaren arteko harreman goraipatu zuen: “25 urte baino gehiagotan Kubak eta Venezuelak balizko mundu hobe baten aldeko idealak eta obrak partekatu dituzte, sozialismoaren bidetik justizia konkistatzeko prest, baina herrialde bakoitza metodo propioekin eta errealitate ezberdina erabiliz”.