Guggenheim museoak hezitzaile guztiak kaleratuko ditu lan baldintzak hobetzeko eskaeren ondoren

  • Bilboko Guggenheim museoak hemeretzi langile kaleratuko dituela salatu dute museoko lan baldintzak hobetzearen alde mobilizatzen ari ziren langileek.


2016ko abuztuaren 30an - 12:55
Guggenheimen aurrean egin dituzte adierazpenak kaleratuak izateko arriskuan dauden langileek (argazkia: LAB).

Museoko hezitzaileen lanpostu guztiak suntsituko lirateke Guggenheimek egindako iragarpena betez gero. Hilabeteko epean utziko lituzkete lanik gabe. Kaleratzeko arriskuan diren langileek bost urte daramatzate museoan lanean eta nabarmendu dute azken urtea bakarrik kontuan hartuta 200.000 bisitariri eman dietela arreta. “Geu gara Museoaren aurpegia jarduera hezitzaileetan”.

Hemeretzi lanposturen ordez hiru

Kaleratu nahi dituzten langile guztiak ez dituzte ordezkatuko. Horren ordez, egun osoko hiru lanpostu sortu nahi ditu museoak kontratazio zuzenaren bidez.

Hemeretzi hezitzaileek jakinarazi dute Campo Ochandiano enpresak egingo duela hiru postu horien hautaketa-prozesua eta beraiek ezin izango dutela parte hartu. “Patronatuko instituzioekin oso lotuta dago enpresa hau”.

Erakunde publikoei erantzukizun eske

Instituzioek hartu duten jarrera ere salatu dute. Izan ere, Bizkaiko Foru Aldundia, Eusko Jaurlaritza eta Bilboko Udala daude, besteak beste, museoaren aginte organoetan.

Beraien esanetan, Guggenheimeko Hezkuntza eta Interpretazio Saileko zuzendari Marta Arzakek eta Giza Baliabideetako Zuzendari Garbiñe Urrutikoetxeak jakinarazi diete Museoaren Zuzendaritzak “erabat babesten duela” aipatutako neurria. “Sinesgaitza” iruditzen zaie kaleratuak izateko arriskuan daudenei, “kontuan hartzen badugu hauek inongo momentutan ez dutela onartu ez langileekin ez haien ordezkaritza sindikalarekin komunikatzerik”.

Greba mugagabea irailaren 5etik aurrera

Langileak museoaren aurrean elkartu dira astearte goizean egoeraren berri emateko. Irailaren 5etik aurrera greba mugagabea iragarri dute.

Guggenheim museoko lan gatazka ez da afera berria: uda hasi zenetik ari ziren euren baldintza prekarioak salatzeko mobilizatzen. “Gutxieneko batzuen aldeko aldarrikapen” gisa jo dute orain arte egindakoa. Zerbitzuaren subrogazioa eta kategoria profesionalaren araberako soldata eskatzen zutela gogora ekarri dute eta horren aurrean agintariek hartu duten neurri bakarra hezitzaileak kaleratzea izan dela.


Kanal honetatik interesatuko zaizu: Bilboko Guggenheim
Materialismo histerikoa
Turista gara

Garai bakoitzak bere tenpluak ditu, botereak unean-unean jendeak zer gurtu behar duen erabaki duenaren araberakoak. Normalean, pertsonaren neurriak soberan gainditzen dituztenak, gora begiratzera garamatzatenak. Katedralak jainkoa bazen, ministerio neoklasikoak botere laikoagoak... [+]


2022-03-21 | Leire Artola Arin
Guggenheimeko garbitzaileek lortu dute soldataren %20ko igoera

Bederatzi hilabete greban pasatu ostean, akordioa itxi dute Ferrovial azpikontratarekin: soldata gordina 23.500 eurotik gorakoa izango dute eta lanaldi partzialak lanaldi oso izango dira.


Noa Eshkolen mugimendu notazioa, Sharon Lockharten begiradaren bitartez

Mugimendua deskonposatzen bide-urratzailea izan zen Eadweard Muybridge argazkilari eta ikertzaile britaniarra. Argazki segiden bitartez lasterketa-zaldien mugimendua era zehatzean jaso ahal izan zuen lehenengoz, eta 1887. urtean Animal Locomotion liburua argitaratu zuen,... [+]


2021-12-07 | Leire Artola Arin
Bilboko Guggenheimeko garbitzaileek hitzarmen bat negoziatzea eskatu dute

Ekainaren 1etik daude greban, besteak beste, soldata arrakalaren aurka. Emakumeak dira denak, eta salatu dute 900 euro baino gutxiagoko soldata eta "lan-karga jasanezina" dituztela.


2021-09-05 | Peru Iparragirre
‘Like beauty in flames’ erakusketa
Errealitate areagotua eta errealitate konkretua Guggenheimen

Bilboko Guggenheim museoarekin duen harremanean sakonduz errealitate areagotuan ikusi beharreko hiru artelan garatu ditu Jenny Holzer artista estatubatuarrak. Hitzen eta hitzak transmititzeko moduen inguruan eraiki du bere ibilbidea Holzerrek, hausnartzeko bideak iradokiz... [+]


Eguneraketa berriak daude