Glifosatoa Euskal Herriko anfibioentzat hilgarria dela salatu du Aranzadik
Landa eremuan zein hirietan erabiltzen den glifosato herbizidak anfibioengan sor ditzakeen kalteak ikertu ditu Aranzadi Zientzia Elkarteak. "Emaitzek ondorio garbiak utzi dituzte", azaldu du elkarteak: "Fabrikatzaileek gomendatua baino dosi txikiagoek ere ikertutako hamar espezieen erabateko hilkortasuna gauzatzen dute". Glifosatoa, Monsanto multinazionalak sortua, egun munduan gehien erabiltzen den herbizidetako bat da.
aurre egingo dieten hedabide independenteak
Besteak beste, glifosatoak hegoaldeko zuhaitz-igelean (hyla meridionalis) eta apo lasterkarian (bufo calamita) duen eragina aztertu du Aranzadik.
Ikerketaren ondorio batzuk:
Fabrikatzaile desberdinek aholkatzen dituzten dosiak, orain arte ikertutako anfibio espezie europarrek jasan ditzaketen kontzentrazioen gainetik aurkitzen dira.
Glifosatoa duten herbiziden osagai laguntzaileek, glifosatoa bera bezain kaltegarriak izan daitezke. Horregatik, glifosato marka komertzial desberdinek toxikotasun-maila desberdina ere agertzen dute.
Dosi hilgarrien azpitik dauden kontzentrazioek, bat batean hilkortasuna sortzen ez dutenak, epe luzera anfibioen biologiari eta portaerari eragin diezaiekete, besteak beste garapenari, osasun egoerari edota harrapariengandik ihes egiteko ahalmenari, gerora biziraupena baldintzatuz.
Laburbilduz, glifosatoaren maneiua ahalik eta modu nabarmenean murriztea iradokitzen dugu.
