Gizonek ez dute entzuten. Ez dugu entzuten. Gizon askok askotan ez dugu entzuten. Ez daitezela haserretu orokorrean entzuten ez dutenak, baina batzuetan bai, eta justu orain entzutea tokatzen zaie. Beno, haserretu daitezela. Izan ere, gizonek ez dute entzuten.

Gizonek ez diete beste gizonei entzuten. Gizonek beste batzuei ere entzuten diete batzuetan. Askotan gizon askok ez diegu beste gizonei entzuten. Beren buruari ere entzuten ez badiote. Batez ere ez dute beren burua entzuten. Ez diot neure buruari entzuten, zuri entzungo dizut. Ez naiz ni ere ulertzen, zuk ulertuko didazu, hain memeloa izanda. Gizonek ez dute entzuten.

Gizonek ez diete emakumeei entzuten. Ez diegu emakumeei entzuten. Gizon askok askotan ez diegu emakumeei entzuten. “Ez” hitzak “agian” esan nahi du, “agian” hitzak “bai” esan nahi du, eta “bai” hitza... bizitzan entzun ez duten gizon asko daude. Ez dugu entzun. Gizonok ez baitugu entzuten.

Gizonok ez diegu emakumeei entzuten. Gizonok ez diegu beste gizonei entzuten. Geure buruari ere ez diogu entzuten. Gizonok ez dugu entzuten.

Gizonek ez dute entzuten.

Vicente "Bixen" Carrasco