Joan den igande arratsean Ziburun gertatu dena indarkeria matxista den ala ez ikertzen ari da Frantziako Polizia. Herriaren erdiguneko bosgarren solairutik erori zen 30 urteko emakumea; zauri oso larriak ditu emakumeak eta erietxean dago.

Sud Ouest egunkariaren arabera, poliziaren lehen hipotesiek diote aurrekariak dituen gizonezkoarengandik ihesean ari zela emakumea, edo bere kabuz salto egin zuela. Aipaturiko egunkariak seinalatu duenez, Poliziak jadanik "begitan" zuen gizonezkoa indarkeria matxistagatik.