ARGIA.eus

2021eko martxoaren 05a

Milaka pertsonak osatu du giza katea Donostian errauskailuaren aurka

  • Donostiako Onkologikoa eta Gipuzkoako Diputazioa batzen duen giza katea osatu dute milaka pertsonak, Zubietako errauskailu proiektua ez egiteko eskatuz. Herritarrak eskuek elkar lotuz osatu dute gisa katea eta Onkologikotik ateratako lekukoak pasatu ahala katea desegin da.

ARGIA @argia
2016ko maiatzaren 29a
Milaka pertsonak esku hartu dute errauskailuaren aurkako Donostiako giza katean (argazkia: Dani Blanco).

Bizikleta tropel txiki batek egin du Gipuzkoako Plazarainoko bidea eta Onkologikoan mediku talde batek emandako mezua eraman du. Medikuek argi adierazi dute eurraustegia kaltegarria dela osasunarentzat.

Gipuzkoako Plazara heldu da lekukoa eta giza katea osatu duten herritarrak bertara gerturatuko dira 13:00etan hasiko den ekitaldian parte hartzeko. Zirrara une handiak bizi izan dira katea osatzerako unean. Antolatzaileen arabera 5.000 pertsonek izena emana zuten katea osatzeko. Toki askotan, katea bera osatzeko behar zena baino askoz jende gehiago zegoen eta, beraz, pentsatzekoa da aurreikusitakoak baino herritar gehiago hurbildu direla errauskailuaren aurkako mobilizaziora.

Gipuzkoa Zutik izeneko mugimenduak, bestalde, batzarra deitu du Gipuzkoako Plazan 16:00etarako. Dendak eta lo-sakuak eramateko deia egin dute eta gau bertan pasatzeko asmoa agertu dute.

Ekitaldian Clara Peralesek hartu du hitza. Perales Madrilen bizi da eta egunotan Euskal Herrian dabil eta Valdemingomezko errauskailuk bere osasunean eragindako arazo larrien berri emanez. Peralesk argi esan die plazan bildutakoei errauskailuak gaixotasun ugari eragiten dituela, besteak beste malformazioak, minbizia eta bihotz arazoak. Zubietako errauskailua gelditzeko deia egin du: "Zuek oraindik berau gelditzeko garaiz zaudete eta".

Ekitaldiako antolatzaileek adierazi dutenez, prest daude instituzioekin hitz egiteko, baina hauek hitz egin nahi ez badute, errauskailuaren aurkako mugimendua "aurrez aurre izango dute".

12:00etan atera da Donostiako Onkologikotik Gipuzkoako Plazara mezua zeraman bizikleta taldetxoa (argazkia: Dani Blanco).
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errausketarik ez kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude