Gipuzkoako obra nagusietako enpresa guztiek onartu dute langileak prekarioan dabiltzala, ELAk dioenez

  • Gipuzkoako Batzar Nagusietan asteazken goizean egindako agerraldian ELA sindikatuko eraikuntzako arduradunek lurralde horretako obretan gertatzen ari diren gehiegikeriak salatu dituzte. Donostiako Txomin etxebizitzetan, Deskargan, Zubietako erraustegian, Anoetako estadioan eta AHTn ikusitakoa azaldu dute hain zuzen.

Urko Apaolaza Avila @urkoapaolaza
2018ko urtarrilaren 18a
Anoetako estadioa eraberritzeko lanetan istripuak ere izan dira, toldo bat behera erori zen duela aste gutxi (arg: @esplotaziorikEz)

Joan den urrian iragarri zuten obra horiei jarraipen berezia egingo zietela eta haietan dabiltzan Aldi Baterako Enpresa Elkarte eta azpikontratekin bildu dira Lan Harremanen Kontseiluan: denek onartu dute sindikatuak salatutakoa, ELAk azaldu duenez. Erraustegiaren kasuan, otsaila arteko epea adostu dute “dena ondo jartzeko. Ikusiko dugu”.

Igor San Jose eta Josu Galarraga ELAko kideak mintzatu dira Ekonomia Sustapeneko batzordean, EH Bilduren eskariz. San Joseren esanetan prekarietate eta “esplotazio” egoera nabarmena da obra guztietan eta “salatuz gero kalera”. Adibide ugari eman ditu hori baieztatzeko.

"Seguruenik alde egingo dut, horrela ezin da bizi"

Txominen ordua 5,5 euro kobratzen duten langileak daude, gehienak atzerritarrak: “Ez dakite non ari diren lanean, furgonetan ekartzen dituztelako. Eta ez dute salatzen beldurra dutelako”.  Obra horretan aritutako langile donostiar baten testigantza ere ezagutarazi dute: “Portugalgo enpresa batekin hasi nintzen –dio beharginak bideoan–, ordu pila bat, eta ordaintzen ez zidatenez salatu egin nuen eta arrazoi eman zidaten. Baina hortik aurrera ezer ez zen berdina izan”. Orain langabezian dago eta “seguruenik alde egingo dut, horrela ezin baita bizi”. Txominen ari diren 350 langiletik egoera hori salatu duen bakarra da, gainerakoak beldurragatik isiltzen direla dio San Josek.

Obra horretan eta Zubietako erraustegian aldi berean ari zen hormigoia garraiatzeko enpresa baten kasua ere azaldu dute. Astelehenetik ostiralera 7:00etatik 21:00etara aritzen ziren Txominen eta asteburuan Zubietan, “azkenean istripu bat gertatu zen”.

Zubietan 27 egun segidan egin izan dituzte lan, deskantsurik gabe. Langile batzuen testigantzaren arabera lan-egutegia ezin dute aurrez jakin eta 125 ordu estra sartzen dituzte hilean, muga legala 70 ordukoa denean: “Eta esaten duzunean ez duzula ordu gehiago egingo, mehatxatzen zaituzte neurriak hartzearekin edo kalera botatzearekin”, diote langileok.

Zubietako erraustegia "oso azkar" egiten ari direla dio ELAk (arg: @esplotaziorikEZ).

"Zerbait badago normala ez dena"

Faltsifikazio kasuen berri ere eman du ELA sindikatuak. Anoetako estadio eraberritzen ari den azpikontrata batek mediku errebisioen fitxak faltsutu ditu agidanean: “50 euro balio duten dokumentuak dira. Holaxe daude azpikontratak, lehia erabatekoa da eta hori egin behar izaten dute”, azaldu du sindikalistak. Estadioa eraberritzeko lizitazioa 50 milioi eurotan egin zen, baina ELAk Donostiako beste obra batzuetan teknikariek jarritako prezioak konparatuz ondorioztatu du gutxienez 70 milioi euro balio beharko lituzkeela: "Zerbait badago normala ez dena, halako proiektu batera enpresa bakarra aurkeztu da".

Deskargako “autonomo faltsuen” inguruan ere hitz egin dute eta AHTko prekarietateaz eta Ikuskaritzaren jarreraz ere bai. Hain zuzen, trenbideko obretako lan baldintzez ARGIAk eta Manu Robles-Arangiz institutuak argitaraturiko Zuloan liburuaren ale bana eman die batzordeko talde politikoei ELAk.

"Zuek zer egingo duzue?"

San Josek azaldu duenez askotan egon izan dira halako foroetan azalpenak ematen eta “eskrupulorik gabeko politikari horiek ez dute esaten duzuna zalantzan jartzen, frogak hor daudelako, baina gero beste aldera begiratu eta ez dute ezer egiten”. Zentzu horretan, galdera zuzena plazaratu die Batzar Nagusietako ordezkariei: “Zuek zer egingo duzue?”

Ahal Duguko batzarkide Mónica Morak oso larritzat jo ditu entzundakoak eta azaldu du saiatuko direla Aldundiak “kontrol neurriak ezar ditzan”. EH Bilduko ordezkariak, Judit Garciak, bere aldetik, beharrezko ikusi du kontratazio publikoetan klausula sozialak ezartzea eta halako egoerak gerta ez daitezen jarraipena egiteko diru-baliabide gehiago ere behar dela azpimarratu du: "Alarma guztiak piztu dituzue".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Prekarietatea kanaletik interesatuko zaizu...
2018-08-10 | Aiaraldea.eus
Dozenaka herritar bildu dira astelehenean jazotako lan istripua salatzeko

Gehiengo sindikalak elkarretaratzea egin du gaur eguerdian Laudioko Herriko plazan, astelehenean jazotako lan-heriotza salatzeko.


Bertan behera utzi dute oraingoz greba taxi gidariek

Bartzelonako eta Madrilgo taxi gidariek asteazken gauean utzi dute bertan behera greba Espainiako Gobernuak lizentzien eskumena erkidego eta udalen esku utzi eta gero. Hego Euskal Herriko taxi gidariek jarrera bera hartu dute, baina “su-etena” dela adierazi dute.


2018-08-02 | Arabako Alea
Behargin bat hil da Legution izandako lan istripuan

Goiango industriaguneko Olatek enpresan gertatu da ezbeharra; garabi batekin mugitzen ari zen pieza gainera erori zaio.


Ernai
"Prekarietatea inposatu nahi dute gobernantza modu gisa"

Ernaik Oraina Borrokatzeko Koordenadak, Euskal Herria zerumuga berri baterantz liburuxka kaleratu du. Lur Albizu Etxetxipia (Artazu, Nafarroa, 1993) eta Asier Zamorano Arri (Algorta, Bizkaia, 1993) batu ditugu. Liburuxka “inkonformismo garrasia” dela diote, Euskal Herrian Bizi dinamikaren markoa izan asmo duena. Pare bat urterako lanketa gisa ikusten dute.


Pobrezia 'trendy' bihurtu nahian

Zu zer zara, langile klasekoa? Prekarioa? Klase ertainekoa? Ertain-baxukoa agian? Gure baliabide ekonomikoak mailakatzeko erabiltzen diren kontzeptu horiek hedabide nagusietan agertzen dira oraindik tarteka, baina azken boladan sailkapen horien gainetik beste fenomeno batzuk azaltzen hasi dira: pobreziaren erromantizazioa eta prekarietatea cool bihurtzeko ahaleginak, esate baterako.


Kezka Tasubinsako langileen artean, enpresa saldu dezaketelako

Enpresako garbitegia beste enpresa bati saltzeko intentzioa dauka Tasubinsak. Gaitasun urriko langileei enplegua emateagatik laguntza bereziak jasotzen ditu urtero Nafarroako Gobernutik.


2018-07-22 | Juan Mari Arregi
Gazteen etorkizun profesionalarekin, zer?

Joan den astean bi albiste garrantzitsu izan dira, gazteen lan etorkizunari eragiten dietenak, eta beraz, gobernu, administrazio nahiz hezkuntza arduradunentzat hausnarketa eta eztabaidarako gai izan beharko luketenak.


2018-07-19 | ARGIA
Lan istripuak enplegua baino gehiago ugaritu ziren iaz

Osalanek emandako datuen arabera, 2017an 33.398 lan istripu izan ziren. Horietako zati handiena langilea lanean hasi eta sei hilabeteren buruan izan ohi da.


2018-07-18 | ARGIA
Gipuzkoako hondartzetako sorosleak grebara deitu dituzte uztaila bukaeran

Uztailaren 29, 30 eta 31n Gipuzkoako hondartzetako sorosleek greba egingo dutela adierazi du ELA sindikatuak. “Bizi duten egoera prekarioa” salatu nahi dute.


Gipuzkoako hondartzetako sorosleek lan baldintza prekarioak salatu dituzte

ELAk Gipuzkoako sorosleen lan prekarietatearen berri eman du eta Gurutze Gorria eta udalei egoera honetan “bustitzeko” eskatu die. Ostiralean prentsaurrekoa egin dute Donostiako Kontxan.


Azkenak
EGILEA
Eguneraketa berriak daude