Genero indarkeriaren ituna Espainian: berme eta tresnarik gabeko aurrekontua?

  • Pasa den irailean Espainiako Kongresuko ia alderdi guztiek genero indarkeriaren aurkako hitzarmena adostu zuten. Orain autonomia erkidegoetako gobernuek hitzarmena berretsi dute eta 2018tik aurrera indarrean jarriko da.  


2017ko abenduaren 28an - 12:50
Irailaren 28an onartu zuten indarkeria matxistaren aurkako ituna Espainiako Gorteetan

Lehen urtean, 200 milioi euro jarriko ditu Espainiako Gobernuak, ituneko 26 neurri martxan jartzeko. Besteak beste, prebentzio kanpainak gehiago egiteko eta adin txikikoen eskubideak babesteko erabiliko da dirua. 200 milioi eurotik, 100 milioi euro autonomia erkidegoentzat izango dira, 80 milioi euro Espainiako Gobernuak kudeatuko ditu eta 20 milioi euro udalen esku geratu dira.

Aurreikuspenen arabera, bost urtetan 1.000 milioi euroko diru poltsa izango du hitzarmenak, eta guztira 214 neurri jarri nahi dira abian indarkeria matxistarekin amaitzeko. Gauzak ondo bidean, 2018an neurrien %12 baino ez dira beteko. Gainontzeko konpromisoak datozen urteetan jorratu beharko dituzte instituzioek. Bada, adostutako neurri guztiak ezarri nahi badira, aurrekontua nekez iritsiko da esparru oro lantzera.

2018rako hartu diren  baldintzak kontuan hartuz gero, hau da 200 milioi euro 26 neurri betetzeko, adostutako neurrien  %60 baino ez dira martxan izango 2023an.  

Erkidegoek sinatu berri duten ituna edukiz eta tresnaz bete dezala eskatu diote Madrilgo Gobernuari, “beharrezko neurriak” hartu ditzala hitzarmena bete dadin. Abenduaren 27an sinatu zuten hitzarmena, Berdintasunaren Mahai Sektorialaren bileraren baitan. Eusko Jaurlaritzako eta Nafarroako Gobernuko ordezkariak bertan izan ziren.  Izaskun Landaida Emakundeko zuzendaria eta Ana Ollo Herritarrekiko eta Erakundeekiko Harremanetarako kontseilaria, hurrenez hurren.


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude