Gazaren erabateko okupazioari ekin dio Israelek, eta egun bakarrean gutxienez 150 palestinar hil ditu
Maiatzaren hasieran iragarri ostean, Gaza erabat okupatzeko eta hango palestinarrak kanporatzeko plana martxan jarri du Israelgo armadak. Zerrendan jada hasiak dira ofentsibaren ondorioak pairatzen: azken 24 orduetan eginiko erasoetan, Israelek gutxienez 150 palestinar hil ditu. Hamaseko eta Tel Aviveko ordezkariek berriz abiatu dituzte su-etenerako negoziazioak.
Israelgo Segurtasun Kabineteak Gazaren aurkako lurreko erasoaldia gogortzeko plan bat onartu zuen maiatzaren hasieran, zerrendaren erabateko okupazioa eta han bizi diren palestinarren garbiketa etnikoa xede dituena. Bada, ostiralean Israelgo armadak iragarri zuen martxan jarri duela ofentsiba hori, eta Gazan horren ondorioak pairatzen hasiak dira jada: Gazako Osasun Ministerioko zuzendari Munir al Barshen arabera, azken 24 orduetan gutxienez 150 palestinar hil ditu Israelek; 2023ko urriaren 7an zerrendaren aurkako oldarraldia areagotu zuenetik izan den egun odoltsuenetako bat izan da.
Al Jazeera telebista kateak jakinarazi du ordu bakarrean Israelek Gaza hegoaldeko Khan Younis hiriari 30 aldiz eraso egin diola airetik. Hain zuzen, Avichay Adraee Israelgo armadako bozeramaileak astelehenean adierazi die hiri horretako palestinarrei euren bizilekuetatik alde egiteko, aire eraso gehiagoren mehatxupean: "Une honetatik aurrera, Khan Younis borroka eremu arriskutsua izango da". Gainera, azken hori ez da izan Tel Avivek egin duen ohartarazpen bakarra: igandean armadak zerrenda erdialdeko Deir al-Balah hiriaren hegoaldeko auzoak hustea agindu zuen.
Israelek azken orduetan Gazaren aurka eginiko ekintzek kezka eragin dute nazioartean. NBE Nazio Batuen Erakundeko Idazkari nagusi Antonio Guterresek, esaterako, Israelgo armadak abiatutako lehorreko ofentsibak "larritzen" zuela adierazi zuen ostiralean, Arabiar Ligak Bagdaden antolatutako goi bileran egindako agerraldian. Hain zuzen, arabiar herrialdeen arteko goi bilera horretan Irakeko lehen ministro Mohammad Xia al-Sudanik zera iragarri zuen: funts bat sortuko dute gerren eta krisien ondorioz suntsitutako lurraldeak berriro eraikitzen laguntzeko, eta horren lehen helburua Gaza eta Libano berriz eraikitzeko 40 milioi dolar jartzea izango litzateke.
Su-etena adosteko negoziazioak, berriz martxan
Hamaseko eta Israelgo ordezkaritzak Gazarako su-etena adosteko Dohan elkartu dira asteburuan, Israelgo Defentsa ministro Israel Katzek eta erakunde islamistako goi kargu Taher al-Nonok jakinarazi dutenez. Urtarrilean bi aldeek menia akordio bat sinatu zuten, Israelen eta Hamasen gerraren behin betiko amaiera lortzeko balio behar zukeenak, baina martxoaren 18an Tel Avivek menia hautsi eta egun bakarrean gutxienez 500 palestinar hil zituen. Katzek adierazi du erakunde islamistak eskatu duela bake negoziazioei berriz ekitea, eta gehitu du Gazan ez dagoela laguntza humanitarioaren beharrik.
Haatik, Israelgo Defentsa ministroaren adierazpenak gezurtatu ditu Elikagaien Segurtasunaren Faseen Sailkapen Sistema Integratua elkarteak argitaratutako azken txostenak: gosetea bost mailatan sailkatzen ditu elkarte horrek, eta txostenaren arabera, Gazako bi milioi palestinarrak hirugarren mailatik gora daude, hau da, Krisia edo okerragoa gisa sailkaturiko mailatik gora. Horietatik, 470.000 lagun Sarraskia deituriko fasean daude.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]