Ratoren aurkako kereila aurkeztu dute Bankiaren akziodunen izenean

  • "Bankiaren akziodunak engainatu egin dituzte", adierazi dute 15MpaRato mugimenduko kideek Audientzia Nazionalaren atarian, Rodrigo Rato Bankiako buru ohiaren eta burtsara atera zenean entitate horrek zuen administrazio kontseiluaren aurkako kereila aurkeztera joan direnean. "Akzioak saldu zitzaizkienean, entitatearen benetako kontuak ezkutatu egin zitzaizkien", esan dute.

2012ko ekainaren 14a
15MpaRato mugimenduko kideak, Espainiako Audientzia Nazionalaren atarian.

Francisco Jurado eta Juan Moreno Yagüe 15MpaRato mugimenduko kideek azaldu dutenez, aurkeztutako kereilak Bankiaren 13 akzionisten salaketak ditu oinarri. Dena den, ez dute zehaztasun gehiegirik eman nahi izan, sumarioa sekretupean dagoelako.

(09:00) 15MpaRato mugimenduak gaur aurkeztuko du Rodrigo Rato Bankiako buru ohiaren eta burtsara atera zenean entitate horrek zuen administrazio kontseiluaren aurkako kereila.

Goizeko 10:30ean entregatuko diote Audientzia Nazionalari eta 11:30ean prentsaurrekoa eskainiko dute Madrileko Santa Barbara Plazan.

Herritarrek informazioa eman zezaten e-posta helbide bat zabaldu zuten, eta 23 egunetan kereila hasteko adina informazio bildu dute 15MpaRato mugimendukoek.

Bestalde, 50 akziodun aurkeztu dira auzi-jartzaile izateko eta momentuz horietako hamahiru agertuko dira Auzitegian. Bestalde, dozenaka testigu lortu dituzte.

Mugimendukoen esanetan 11.000 lagunek eman zuten diru laguntza Rodrigo Ratoren kereila aurrera ateratzeko. Beharrezkoak zituzten 15.000 euroak 24 ordutan lortu zituzten. Herri ekintza honen arrazoi nagusia justizia egitea eta inpunitatearekin amaitzea dela azaldu dute mugimendukoek. Diotenez, Gobernuak "inoiz egingo ez duena" egitea erabaki dute herritarrek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Burtsa

Azkenak
2018-09-18 | ARGIA
Euskara batuaren etorkizunaz arituko dira urrian Euskaltzaindiaren nazioarteko biltzarrean

Urriaren 4tik 6ra izango da biltzarra Arantzazun, euskara batuak 50 urte bete dituela baliatuz. 50 hizlari inguru arituko dira euskara batuaren historia laburraz eta etorkizunaz.


2018-09-18 | ARGIA
Gure Esku Dagok "askatasuna erabakitzea da" mezua zabalduko du nazioartera irailaren 29ko ekitaldi artistiko-politikoan

Gernikan izango da ekitaldia, irailaren 29an, alegia, Kataluniako urriaren 1eko erreferendumaren urteurrena baino bi egun lehenago. Bi helburu ditu ekitaldiak, batetik, Euskal Herriko eta Kataluniako eragile politiko eta sozialak eta herritarrak Gernikan batzea, eta bestetik, erabakitzeko eskubidearen aldarria nazioartera zabaltzea.


2018-09-18 | ARGIA
Ipar Euskal Herriko herrien herenak hartuko du parte Euskaraldian

Lapurdi, Nafarroa Beherea eta Zuberoako 59 herritan Euskaraldia izango da azaroaren 23tik abenduaren 3ra. Hamaikakoa aurkeztu berri dute.


2018-09-18 | ARGIA
Asteburuan 'Terra Madre' ospatuko dute Turinen eta tartean izango dira Iparraldeko baserritarrak

Heldu den asteburuan, irailaren 20tik 24ra, Italiako Turinek ikusiko du kultura gastronomikoaz nazioartean burutzen den feriarik inportanteena. Slow Food mugimenduaren inguruan sortutako Terra Madre antolatzen dutenen arabera, 160 herrialdetako 5.000 ordezkari bilduko dira, 800 erakustoki animatuz. Ipar Euskal Herriko laborantzaren ekoizpen ezagunenetakoak ere bertan izango dira.


2018-09-18 | Topatu.eus
'Bulkada berrien garaia da' dinamikaren aurkezpena
MULTIMEDIA - erreportajea

Gazte antolakuntzan 40 urtez arituriko gazte eta ez hain gazteek 'Bulkada berrien garaia da' dinamika aurkeztu dute Leitzan. Euskal Herri sozialista eta feministaren alde borrokan jarraitzeko konpromisoa hartu dute.


2018-09-18 | ARGIA
ARGIAn urritik aurrera praktikak egin nahi?

Lantaldean aritu, sare sozialak kudeatzen eta internet zein papererako idazten trebatzeko aukera eskainiko dugu urritik aurrera. 


Langile bat hil eta hainbat zauritu dira Belgikako erraustegi batean izandako leherketan

Pertsona bat hil eta lau zauritu dira gutxienez Indaver konpainiako erraustegi batean, Anberestik gertu dagoen Stabroek hirian joan den ostegunean leherketa izan ostean. VRT hedabidean jaso dute albistea eta diotenez, ez dago argi zerk eragin zuen leherketa. Bigarren aldia da bi urtetan istripua gertatzen dela erraustegi honetan.


2018-09-18 | ARGIA
Berta Caceresen hilketa kasuaren epaiketa bertan behera

COPINHek (Honduraseko Erakunde Herritar eta Indigenen Hiri-Kontseilua) eta Caceresen familiak Honduraseko Fiskaltzari errekurtsoa jarri dio Justizia Gorte Goreneko Epai Auzitegiaren kontra, epaimahaia aldatzea exijituz. Hala bada, errekurtsoa ebatzi artean epaiketa ez da martxan jarriko.


Hondarribiko parrokoak lekuz aldatzeko eskatu du Alarde baztertzailearen aldekoen presioagatik

Parrokoaren sermoian polemika sortu zen Alardearen inguruan bakea eta bizikidetza eskatu zuelako. Bizi zena “ikuskizun arbuiagarria” izan zela esan ostean Alarde baztertzailearen aldeko emakume bat aldarera igo zen eta meza moztu zuen.


2018-09-18 | Nahia Ibarzabal
Nazioarteko inprobisatzaileak Euskal Herrian izango dira urrian

Euskal Herriko zenbait txokotan, bertako bertsolariekin batera jardungo dute kantuan Tomasita Quiala kubatarrak eta Aracelli Arguello argentinarrak.


Azkenak
Eguneraketa berriak daude