La Escala de Mohs (Mohsen eskala) olerki liburua eserialdi batean irensteko hainako grinaz eskuratu banuen ere, plazer iturri preziatuenak bezalaxe luzatu dut Ana Isabel García Llorenteren (1991-2017) poema-bilduma bakarra.
Rapeatzaile modura erreferente bilakatua, ibilbide artistikoko une gorena ukitzetik pauso gutxira zegoenean zendu zen, esateko zuen guztia berarekin eramanaz. Hargatik, patxadaz entzun eta irakurtzeko legatu preziatu dira utzi dituen hiru diskoak eta olerki-liburu hau.
Gata Cattana (autorearen rapeatzaile izengoitia) eta Ana Sforza (olerkari izengoitia) biak aurkitu daitezke lan honetako lerro artean: konbinazio leherkaria osatuz, batera ageri dira lehenengoaren espiritu gerlaria eta bigarrenaren intimitatea gordinki adierazteko era; bataren erreferentzia mitologiko, historiko edo geopolitikoak, eta bestearen hitz konbinaketa eta erritmo zainduak. García Llorenteren jendarteari kritikek, aldarri feministek eta gauzen ordena iraultzera deiak irakurlea gogor kolpatzen jarraitzen dute orrion bitartez, autorearen ahotsa itzali ez den adierazle, Gata Cattanak gure artean jarraitzen duen seinale. Hala ziurtatzen du berak ere poemetako baten bitartez: “Horregatik etorri nintzen ni, eta horregatik etorri zinen zu nirekin, nahiz eta ez etorri. Munduari erakustekoegon daitekeela, egon gabe ere”. Betierekoa Gata.
Erreportaje hau Aktualitatearen gakoak aldizkarian argitaratu da. Aldizkari osoa nahi baduzu Argiako azokan eros dezakezu.
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]