Erreformaren ingurukoak filtratzen hasi zirenetik dozena bat manifestazio egin dira jada.

Aurrekoa, hilaren 23koa, debekatu egin zuten hasiera batean, "segurtasun arrazoiak" medio; Barne ministro Bernard Cazenauvek baimena eman zuen gero, nahiz eta sindikatuek ibilbide laburragoa egin behar izan zuten.

Erabakiak kritika ugari jaso zuen ezker-eskuin, eta ikusteke zegoen astearteko mobilizazioekin zer gertatuko zen.

Erreforma, Frantziako Asanblea Nazionalera

Hainbat hedabidek dioenez, akordiorik ez da lortuko eta lan erreformaren gaia Asanblea Nazionaletik pasako da berriro uztailaren 5ean.

Eta bertan, Konstituzioaren 49-3 artikuluari esker, Gobernuak testua onartzea izango du bozketarik egin gabe.