Emakumeak borrokan

Frankismoan Bilbo Handiko emakumeek jasan zuten errepresioa ikertu dute

  • Elkasko ikerketa historikorako elkarteak txostena egin du, Bilbo Handiko emakumeen frankismo garaiko bizipenak biltzen dituena. 1914 eta 1963 bitartean jaiotako 21 pertsonaren adierazpenetan oinarritu dira, gehienak emakumeak.

Nerea Ibarzabal Salegi @ibarnere
2015eko urtarrilaren 26a
Testigantzek diotenez, guardiekin oheratu nahi ez zuten emakumeak fusilatu egiten zituzten. (Arg: Elkasko)

“Errepresioa orokorrean asko aztertu izan da, baina emakumeengan izandako inpaktua ez da hain ezaguna”, azaldu du Belen Solék, txostenaren egileetako batek Público.es-en. “Bereziki emakumeari zuzendutako errepresio ereduak zeuden, eta bizipenak ezberdinak dira gizonezkoenekin alderatuz”.

Emakumeen bortxaketak ohikoak ziren atxiloketa zentroetako galdeketetan eta tropa frankisten okupazioetan. Testigantzek diotenez, guardiekin oheratu nahi ez zuten emakumeak fusilatu egiten zituzten.

“Herritarrak menpean hartzen zituzten beldurraren eta lotsaren bitartez”, azaldu du Solék. Iraganeko bortxaketak ikertzea zaila dela dio, “zigorgabetasun” testuinguru hartan salaketa gutxi egiten zituztelako. “Emakumeei egozten zitzaien erruduntasuna eta sinesgarritasun eza medio, biktimek eta familiek isiltzea erabakitzen zuten”.

Era más la miseria que el miedo. Mujeres y franquismo en el Gran Bilbao: represión y resistencias” izeneko txostena hezkuntza arloan erabili dadin nahi dute egileek, eta ikasle eta irakasleentzat lagungarri diren pausoak gehitu dizkiote.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Emakumeak eta errepresioa frankismoan  |  Bilbo

Emakumeak eta errepresioa frankismoan kanaletik interesatuko zaizu...
Azkenak
EGILEA
Eguneraketa berriak daude