Festetan dirua lurrera botatzen al duzu?
Edo galdera beste modu batera eginda, dirua balio duen zaborra botatzen al duzu lurrera? Egunerokoan eta bereziki festetan kaleetan pilatzen den zaborra ikustarazteko ekintza egin zuten Eguzkik eta Azkoitiko parrokiako taldeak abenduaren 1ean, herri hartako San Andres jaiak zirela probestuz. Bideoa osatu dute egindako lanarekin.
Azkoitiko San Andres jaien biharamunean bildu ziren talde ekologistako eta parrokiako boluntarioak bide bazterretan edo espaloi eta parkeetan aurreko gauetik barreitatutako zaborra biltzeko. Minutu gutxiren buruan plastiko, beira eta lataz osatutako mendixka handi bat egitea lortu zuten.
Ekintza horrekin salatu nahi izan dute plastiko pilaketak "gaina hartu duela" eta "azken muga" jadanik gainditzen ari garela: "Ahaztu egiten dugu zabor honek oraindik egin behar duen bidea luzea dela", diote. Zentzu horretan, nabarmendu dute hondakinak bota eta biltzera bideratzen den "dirutza" eta hondakinak lurrera botatzea "dirua lurrera botatzea" bezala dela, "gure arduragabekeriak alferrik galdutako dirua".
Arazoari irtenbidea emateko eskatu dute Eguzkik eta Azkoitiako parrokiako taldeak, eta horretarako ezinbestekotzat dute udalaren, tabernarien, elkarteen eta herritarren arteko elkarlana, "helburu zehatzak eta epeak finkatuz, etorkizunarekin arduratsuak diren herritar gisa jardun ahal dezagun".
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]