Ezinean talde azpeitiarrak bigarren diskoa atera du Zuretzat izenburupean, Gor diskoetxearekin. Lan berriak taldeak orain arte jorratu duen hardcore melodikoaren bidetik jarraitzen duela azaldu dute taldekideek. Guztira 15 abesti bildu dituzte eta Emakumea abestiaren bideoklipa ere grabatu dute. Bideoklipa beraien webgunean eta YouTuben ere ikusgai dagoela azaldu dute.