Ez da zezenketarik izango 2017ko Gasteizko jaietan

  • Zezenketak kudeatzeko lehiaketa hutsik geratu da eta Udalak bertan behera uztea erabaki du.

Artikulu hau CC BY-SA 3.0 lizentziari esker ekarri dugu.

2016ko abenduaren 14an - 13:02
Datorren urtean ez da ez zezenketarik ez bigantzarik izango.

2017ko Gasteizko Andre Maria Zuriaren jaietan ez da zezenketarik egongo. Udalak baieztatu du, datorren urteko zezenketak eta bigantxak kudeatzeko lehiaketa hutsik geratu ostean. Izan ere, orain hilabete bat iragarri zuen lehiaketa, baina ez da enpresarik aurkeztu, epea orain aste bete amaitu  denean. Egoera honen aurrean, Udalak zezen feria ez egitea erabaki du. Gorka Urtaranen gobernu batzordeak atzo erabaki zuen ez dituela aurten lehiaketarako jarritako baldintzak aldatuko, eta, beraz, ez duela berriz egingo deialdia. Kontratazio Mahaiak gaur egingo du ofizial erabakia.

EH Bildu, Podemos eta Irabazi udal taldeek zezenketak bertan behera uztea eskatu dute, bertan "animaliek tratu txarrak" jasotzean dituztelakoan. PPk, ordea, lehiaketa errepikatu nahi du, Gasteiz zezenketarik gabe ez geratzeko.

Orain, Irabazi taldeak "XXI. mendeko alternatibak" eskatu ditu, eta lan horretan hasiko da, hain zuzen, Gasteizko Blusa eta Nesken batzordea. Horretarako, Udalarekin batera aztertuko du konponbide egokiena, zezenketera joan-etorriari zentzu berri bat emateko.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Zezenketak
2023-09-06 | ARGIA
1.761 ekitalditan zezenak erabili dituzte Hego Euskal Herriko festetan

Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.


2023-07-05 | Ilargi Manzanares
Sanferminetako zezenketen aurkako protesta egingo dute gaur Iruñean

AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.


2023-06-19 | Ilargi Manzanares
Zezenketen aurka manifestatu dira ehunka lagun Bilbon

Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.


Donostiako Udalak zezenketak “laguntzen jarraitzen” duela salatu du Eguzkik

Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]


Eguneraketa berriak daude