Unidas por la Igualdad Lingüistica plataformarentzat euskara "erkidegoko bigarren hizkuntza" da. Baieztapen hori argiki adierazi dio EITB komunikabideari plataformak asteazken honetan. Horrez gain, plataformak azpimarratu du bere asmoa beti izan dela "Eusko Jaurlaritzako eragileekin hitz egitea", euskararen inguruan dituzten "kezkak eta arazoak" helarazteko. 

Egunotan argitaratutako ikerketetan jasotako informazioei erantzuteko, idatzia helarazi diote asteazkenean ARGIAri Sabin Zubirik, Euskara Denontzat ekimenaren izenean, eta Unidas por la Igualdad Lingüistica taldeko Teresa Peralesek.

"Azken urteotan, gehiegizkotzat jotzen dituzten hizkuntza-eskakizunen aurrean galduta edo beldurtuta zeuden pertsona batzuei lagundu diegu", diote. "Egungo legea argi eta garbi beteko balitz, kaltetuetako askok ez zuketen Euskara Denontzat, oztoporik gabeko euskararen alde eta Osakidetzan Hiztunen berdintasunaren alde elkarteen babes eske joko".