Euskal Herritik abiatuko da VI. Ekomartxa, borroka antinuklearraren 40. urteurrena gogoan

  • Espainiako Estatuan Ekologistak Martxanek antolatzen duen Ekomartxa bizikleta martxaren seigarren edizioakPedalei eragin planeta hozteko leloarekin– Euskal Herria izango du abiapuntu. Lehenbiziko etapa uztailaren 16an egingo dute, Bilbo eta Lemoiz bitartean. Han omenaldia egingo zaio zentral nuklearraren aurkako borrokari, 1976ko abuztuan Plentziatik abiatutako lehen manifestazioa gogoan.


2016ko uztailaren 08an - 13:54
Aurreko edizio bateko argazkia.

Bigarren etapa ere Bilbotik abiatuko da, eta Muskiz izango du helmuga. Eguerdian Cokearen Aurkako Koordinadorak Petronor findegiaren aurrean antolatutako ekitaldian parte hartuko dute martxako kideek, “industria horrek kostaldean eragiten duen kutsadura eta bestelako inpaktuak salatzeko”. Arratsaldean Zierbenara joango da Ekomartxa, Bilboko Superportuak ingurumenean dituen eraginak ezagutzeko xedez.

Hirugarren etapa Muskizen hasi eta Laredon amaituko da, Kantabrian. Kantauri itsasoko kostaldea zeharkatuko dute uztailaren 30era arte; egun horretan Gijónera (Asturias) iristea aurreikusita dago. Helburu nagusia klima aldaketak itsasertzean duen eraginaz ohartarazi eta “jasangarria ez den hazkundea” salatzea da.  


Kanal honetatik interesatuko zaizu: Ingurumena
2024-04-14 | Sukar Horia
Superretik Subera

Iaz ireki zuten Supersurraren fase berria. Bilboko azken haran naturala porlanez zikindu ostean, bidesaria ordaintzeko prest dauden gidariek, eta erratuta Supersurrera sartzen diren horiek, minutu pare bat irabazi ahal dizkiote erlojuari.

Eraikuntza enpresek dezente gehiago... [+]


"Eskolan ortu xume bat lantzeak testuingurua ematen digu planetan ditugun arazoez aritzeko"

Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]


GNL: Louisianako zingiretan jokoan dira munduko klima eta osasuna

Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]


2024-04-12 | Hiruka .eus
Itsasoaren gainazalaren tenperatura-igoerak makroalgetan izan duen eragina aztertu dute

Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]


2024-04-12 | ARGIA
Espainiako Estatuan karbono dioxido gehien isurtzen duten hamar enpresen artean: Repsol, Iberdrola eta ArcelorMittal

2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.


Eguneraketa berriak daude