Euskal Herriko testuinguru sozio-politikoari buruzko jardunaldiak antolatu ditu Lau Haizetara Gogoan elkarteak. Bihar egingo dira saioak Andoaingo Martin Ugalde Kultur Parkean: goizean bi saio izango dira eta arratsaldean beste bi. Partaideen artean daude Amnistia Internazionaleko eta Giza Eskubideen Kontseiluko kideak, besteak beste.
1999. urtean sortu zen Egiaren Batzordea kontzeptua. Jardunaldietan gisa horretako batzordea Euskal Herrian sortu ahal izateko balizko urratsez arituko dira. Gobernuz kanpoko erakundeen iritziak partekatu eta Euskal Herriko gizarte eta instituzioen egoera sozio-politiko eta ekonomikoaren faktore baikor eta ezkorrak aztertuko dituzte.
Saioak, parte hartzaileak eta ordutegia
09:00-11:00. Gai nagusia: Eskumen unibertsalak.
Carlos Villan izango da hizlarietako bat: Oviedoko unibertsitateko Zuzenbide Internazionaleko kidea eta Amnistia Internazionaleko kide izandakoa, besteak beste. Bigarrena Jorge Rodrigez Amnistia Internazionaleko ekintzailea izango da. Egiaren Batzordeak Konparatutako Zuzenbidean dituen baliabideak deituriko hitzaldia emango du.
11:30-13:30. Gai nagusia: 1997ko amnistiaren legea.
Felix Soto (Amnistien aldeko Gestoren sortzaileetako bat), Francisco Letamendia (1977tik 1979ra bitartean Espainiar Kongresuko diputatua eta abokatua), Miguel Castells (Burgoseko prozesuan kondenatuak izan ziren euskal preso politikoen abokatua), Maria García (historialari eta ikertzailea) eta María Gonzalez (abokatu eta kazetaria) izango dira hizlariak.
15:30-17:30. Gai nagusia: Euskal Herriko Egiaren Batzordearen antolakuntza eta oinarri metodologikoak.
José María Pedreño (Memoriaren Foroko fundatzaile eta presidentea) eta Patricia Aznar (auzitegiko arkeologian aditua) arituko dira solasean. Ondoren, Javier Anton eta Juantxo Estebaranz historia eta geografian doktoreek hartuko dute txanda.
18:00-19:00. Gai nagusia: Alderdi, sindikatu eta mugimendu sozialak Egiaren Batzordearen aurrean.
Mahai ingurua. Moderatzailea Martxelo Otamendi Berriako zuzendaria izango da.
Powell Euskal Herrian da
Jonathan Powell Euskal Herrian da, Aieteko Nazioarteko Bake Konferentzia egin eta ETAk armak utzi zituenetik urtebete pasa ondoren. Nazioarteko bilkura hartan ETAk behin betiko armak uztea eta Frantziako eta Espainiako Gobernuek elkarrizketa hastea eskatu zen. Hego zein Ipar Euskal Herriko eragile politiko eta sozialekin hitz egitera etorri da Powell, gauzak zertan diren aztertzeko. Atzo Urkullurekin bildu zen.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]