ARGIA.eus

2021eko abenduaren 02a

Martxoan egingo dute ICANN erakundean '.eus' domeinuaren eskaera

2012ko urtarrilaren 12a
Iratxe Esnaola Puntueus elkarteko kidea ari da domeinuaren aferarekin lanean (Arg: Anboto.org, Creative Commons lizentziapean)

Elkartetik adierazi dutenez "jaiotzatik espero genuen eguna da hau". Zortzi hilabetera egingo dituzte lehen esleipen eta baieztapenak, "baina eskaera batzuk arazoak badituzte" 20 hilabetera luza daiteke azterketa, Esnaolaren hitzetan.

ICANNen webgunean azaltzen dutenez, goi mailako domeinu orokor berriak (gTLD) eskatzeko 185.000 dolar ordaindu beharko dira. Elkartetik adierazi dute finantziazio arazorik ez dutela, Eusko Jaurlaritzak orain hiru urte 150.000 euroko diru laguntza eman zielako.

"Gure ardura da .eus domeinua lortzea", dio eta baikorra dela. Beren arrazoiketa euskara eta euskal kulturaren sustapenean oinarrituko dutela adierazi du PuntuEus elkarteko kideak, eta horretarako orain bost urte kataluniarrei '.cat' esleitu izanak bidea errazten duela azpimarratu du.

"Puntcat aipatuko dugu arrazoiketaren arlo askotan, hau helburu batekin sortu baitzen,eta gainera helburu horiek lortzen ari da, eta ICANNen .cat-ek prestigio handia du".

Iaz PuntuEus elkarteko Iratxe Esnaolak berak adierazi zuen 2013rako .eus domeinua lortuko zela uste zuela, zortzi hilabeteko azterketak 2013ko urtarrilean kokatzen baitu egutegia.

Ekimenak 26.000 atxikimendu lortu ditu sarean, eta elkartetik adierazi dutenez, azken urte eta erdian beste lehentasun batzuk medio ez badute horretara indar handirik jarri ere, domeinua lortu arte atxikimenduak lortzeak zentzua badu. Kanpainari webgune honetan eman dakioko babesa.

Kataluniarrek .cat domeinua lortu zuten duela bost urte eta beste domeinu kultural askoren eskaeraren oinarri dira, hala nola, euskaldunona, galiziarrena eta bretoiena. Puntcat fundazioaren datuen arabera, 52.277 dira domeinu hori duten webguneak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2021-12-01 | ARGIA
Ostiralean bilduko da Labi, osasun larrialdia berrezartzeko

Ostiralean bilduko da berriz Eusko Jaurlaritzaren Herritarren Babeserako Labi batzordea, osasun larrialdi egoera berrezartzeko. Horrez gain, COVID ziurtagiria ezartzeko neurriak ere aztertuko dituzte.


2021-12-01 | Leire Artola Arin
Minutuero hiru pertsona kutsatzen dira GIB birusarekin munduan

Hego Euskal Herrian 2020an 134 kasu positibo atzeman dituzte. Abenduaren lehena da Hiesaren Aurkako Nazioarteko Eguna, eta NBEk ohartarazi du oraindik pandemia hori ez dela amaitu; iaz munduan 680.000 pertsona hil ziren hiesarekin lotutako gaixotasunen ondorioz.


Naroa Jauregizuria
"Gazteak euskaraz deseroso sentitzen dira ez dutelako gaitasun nahikorik"

Gazteek euskaren eta euskal kulturaren inguruan duten pertzepzioa ikertu du Naroa Jauregizuria Lopategik. Getxo, Leioa, Bilbo edota Portugaleteko zenbait ikastetxetako gazteek hizkuntza eta kulturagaz duten harremanena eta iritziak aztertu ditu leioaztarrak, eta horiek baliatu... [+]


2021-12-01 | Irunero
Irungo Udalak Pikoketan fusilatutako emakumeen argazki argitaragabe bat berreskuratu du

Gazte Komunistetako afiliatuak ziren Mercedes (Mertxe) López Cotarelo eta Pilar Valles Vicuña, 16 eta 18 urtekoak hurrenez hurren. Irungo frontean lehenengo lerroan borrokatu zuten lehenengo bi emakumeak izan ziren, baita fusilatuak izan ziren lehenengoak ere.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude