Europaren berrarmatzeari begira, euskal enpresek “muskulua” dutela esan du Jaurlaritzak
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela nabarmendu du.
Europako elite eta agintariek plan bat daukate mahai gainean, armetan diru publiko mordoa gastatzeko: 800.000 milioi euro izan daitezke, Ursula Von der Leyen Europako Batzordeko presidenteak esandakoaren arabera. Kontinente osoaren berrarmatze eta militarizazio arriskutsu hori, pagotxa izan daiteke gerraren negozioan sartuta dauden enpresentzat.
Gerra "digitalak"
Baina instituzioek ere aitortu dute “aukera” hori baliatu nahi dutela. Mikel Jauregi Eusko Jaurlaritzako Industria sailburuen ustez Europak bere burua babesteko eskubidea du. “Zergatik ez gara defendatuko?”, galdetu du egoera geopolitikoa hizketagai, eta horrekin batera azpimarratu du “Euskadik bere ahalmen industrial eta teknologikoa” jar dezakeela Europaren “segurtasun estrategiaren” zerbitzura.
Jauregi sailburuak entzuleei eskatu die erreparatzeko momentu honetan “zer nolako gerrak” dauden munduan: “Gero eta digitalagoak dira”
Euskadi Irratian egindako elkarrizketa batean, sailburuak entzuleei eskatu die erreparatzeko momentu honetan “zer nolako gerrak” dauden: “Gero eta digitalagoak dira”, esan du. Zentzu horretan, zibersegurtasunaren arloan euskal enpresek “izugarrizko muskulua” dutela nabarmendu du: “Zergatik ez guk ildo horretan jarraitu gure hazkundea?”.
Suediako Upssalako Unibertsitateak emandako datuen arabera, Ukrainako gerra duela hiru urte hasi zenez geroztik 172.000 eta 420.000 lagun artean hil dira borroken ondorioz.
Armagintzaren “aukera berria”
Jauregi ez da, Europako diskurtso belizistaren baitan, euskal enpresen negozio aukerak aipatzen dituen Jaurlaritzako lehen kargua. Pasa den otsailean, Mikel Torres lehendakariordeak armagintza-industria sustatzeko Jaurlaritzaren “konpromisoa” adierazi zuen Fórum Europa-Tribuna Euskadi foroan.
Zentzu berean hitz egin du gobernuaren bozeramaile Maria Ubarretxenak: “Europak ez dauka beste erremediorik defendatzea baino. (...) Defentsa horretan aukera berriak egon daitezke gure industriarentzat, gure herriarentzat, eta uste dugu hori ere aprobetxatu egin behar dugula”, adierazi du Euskadi Irratian.
Herritarrak kontrako norabidean
Gerraren eta militarismo hotsen aurrean, herritarrak, beste norabiderantz mobilizatzen hasi dira ordea. Otsailaren 24an, esaterako, Hego Euskal Herriko lau hiriburuetan elkarretaratzeak egin zituzten hainbat talde eta plataformak deituta, Gerra eta militarismoari ez! lelopean.
Hain zuzen, mugimendu antimilitaristak Euskal Herriko produkzio militarraren “moldaketa eraldatzailerako” proposamena aurkeztu du berriki, Zigor Olabarriak Armagintza moldatu, gizartea eraldatzeko izenburua daraman Larrun monografikoan azaldu bezala.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
1986. urtean Espainiako Estatuak NATOn jarraitzearen aurkako botoa eman zuen euskal gizarteak. Denborak ematen duen perspektibak oraindik ez du azaldu zeintzuk izan ziren gizartearen arrazoi sakonak gerra erakundean parte hartzeari uko egiteko.
Felipe Gonzálezen... [+]
Ukraina da munduan arma gehien erosten dituen herrialdea; munduko erosketa guztien %8,8. Merkatuaren ia erdia kontrolatzen duena, berriz, AEB dira: Europak erosi dituen armen erdia baino gehiagok jatorri estatubatuarra dute.
Ursula Von der Leyen Europako Batzordeko presidenteak Europa berrarmatu plana aurkeztu du, kontinentea "erresilientea eta segurua" bihurtzea xede duena. Bost zati ditu planak, eta estatu kideek 150.000 milioi euro jasoko dituzte mailegutan. Arau fiskalak moldatuko... [+]
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Ezpatak, labanak, kaskoak, fusilak, pistolak, kanoiak, munizioak, lehergailuak, uniformeak, armadurak, ezkutuak, babesak, zaldunak, hegazkinak eta tankeak. Han eta hemen, bada jende klase bat historia militarrarekin liluratuta dagoena. Gehien-gehienak, historia-zaleak izaten... [+]
Euskal Herriaren industriaren etorkizuna ezin dela "heriotzaren, odolaren eta armen gainean" eraiki aldarrikatu dute mobilizazioaren antolatzaileek. Euskal erakundeen nahiz alderdi politikoen "isiltasuna" salatu dute.
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Porzheim (Alemania), 1945eko otsailaren 23a. Iluntzeko zortziak jotzear zirela, hegazkin aliatuak hiria bonbardatzen hasi ziren bonba su-eragileekin. Erasoak sarraski izugarria eragin zuen denbora gutxian. Baina Pforzheimen gertatutakoa itzalean geratu zen, egun batzuk lehenago,... [+]
Vietnam, 1965eko otsailaren 7a. AEBetako aire-armadak lehenengoz napalma erabili zuen biztanleria zibilaren kontra. Ez zen gasolina gelatinatsua erabiltzen zen lehen aldia. Bigarren Mundu Gerran hasi ziren bonbekin batera jaurtitzen eta, Vietnamen bertan, Indotxinako... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
.JPG)
Lau ardatz nagusiren inguruan egin dute 2024ko azterketa: indarkeria matxista; lurraldea; gerra eta gatazka armatuak; eta eskuin muturra. Euskal Herrian “erresistentziak metatzea” funtsezkoa dela ondorioztatu du Talaia Feministak, eta analisiaren sozializazioaren... [+]