Emakumeak borrokan

Eskola txikien festa, ekainaren 3an Larraulen

  • Ekainaren 3an Larraulen (Gipuzkoa) egingo da aurtengo eskola txikien festa, eta 26 eskolak osatzen duten mugimendu osoaren ordezkaritza bilduko da bertan: 26 eskola txikitako udalak, irakasleak, gurasoak eta ikasleak (eskola horietan ibili ziren zaharrenak eta egungoak).

2012ko apirilaren 25a
25. festak mugimendu osoa irudikatzea du helburu

Atzo, festaren aurkezpenean, Mikel Olano Gipuzkoako Eskola Txikien Koordinakundeko lehendakariak azpimarratu zuen "proiektu hau aurrera eramateko ezinbestekoa dela guraso, irakasle eta udalen elkarlana. Herri bakoitzean hiru eragile hauek batera lan egin behar dute eskola aurrera atera dadin".

Igor Iturain EUDELeko herri txikien ordezkariak eskola hauen pisua nabarmendu zuen: "Gure herrietako eskola txikiak ez dira soilik hezkuntza, irakasten den leku bat. Herriaren bihotza dira. Gure umeak bertan hezi eta ikasteko aukera izateaz gain, herriarekiko lotura sortu eta finkatzeko ezinbesteko bidelagun dira".

Lurdes Imaz Euskal Herriko Ikasleen Guraso Elkarteko (EHIGE) koordinatzaileak txalotu du eskola hauetan irakasle, ikasle eta gurasoek duten harreman zuzena: "Eskola Txikiak eredu zarete, ongi baitakigu eskola-komunitatearen erlazio estu hori ezinbestekoa dela gure seme-alabek eskola arrakasta lortzeko. Horrelako partaidetza eta erlazio estuak eta onak nahi genituzke ikastetxe publiko guztietan".

Ixiar Eizagirre Larraulgo Guraso Elkarteko kideak ospakizunerako deia egin du: "Ospatu egin nahi dugu, azken lau urteotan Larraulen egin dugun lana, eta lortu dugun guztia: berriz ere eskola zerbitzua martxan jartzea, 30 urtez itxita egon eta gero. Gaur egun 8 urtera arteko zerbitzua dugu, gela izaeraz. 12 urtera arteko eskola izan dadin, Larraulgo Guraso Elkarteak eta udalak bidea egiten jarraituko dugu, orain arte bezalaxe. Horretarako legeak eskatzen dituen baldintza guztiak betetzen ditugu, bai ikasle kopuruz zein azpiegituraz".

Egitaraua

Besteak beste, Pirritx eta Porrotxen emanaldi berezia izango da (hauek ere 25 urte betetzen dituzte, lehen plaza Eskola Txikien Festan egin baitzuten) eta eskola txiki guztiek izango dute aukera pailazoekin oholtzan aritzeko. Gorritiren zezen eta pottokak, puzgarriak eta eskulan tailerrak ere izango dira eta festari bukaera dantzan emango zaio, Kupela taldearen erromeriarekin.

Eskola Txikiei buruzko dokumentalaren estreinaldia

Eskola eredu honen ezaugarriak, 25 urtetako bizipenak eta herrian duten eragina jasotzen duen dokumentala kaleratzear da Eskola Txikien Koordinakundea. Festa egunean izango da estrainekoz ikusteko aukera.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Miren Segurola, UEMAko koordinatzailea
"Turismoa sustatzen ari gara Kantabrian bagina bezala"

Bermeora, Zumaiara eta Leitzara etorritako bisitariei galdetu zaie ea zer iritzi duten euskararen inguruan, eta bisitarien %95ak erantzun du ez duela inolako arazorik izan euskararekin. Askok estimatu dute tokiko hizkuntza ezagutzeko aukera eta batzuek esan dute herri horietara joateko arrazoietako bat dela euskara. Aldiz, gurean, Game of thrones-en sukarrak eraginda, turismo eragileak euskara ezkutatu nahian dabiltza. UEMAk bideratu ditu hiru inkestak hiru herrietan eta Miren Segurolari egin... [+]


2019-04-21 | Reyes Ilintxeta
Daniel López Moreno, Erriberako Olentzero
"UPN-k ez du ikusi nahi hemen dagoena"

Nafarroako Behe Erriberan euskararen irakaskuntzak lau hanka ditu: Argia Ikastola 230 ikaslerekin, A eredua (euskara ikasgai duela) ikastetxe publikoetan 910 ikaslerekin, AEK 60 ikaslerekin eta Hizkuntza Eskola 28rekin. Daniel López Moreno euskaltzaleak argi du A eredua bultzatu behar dela eskualde honetan, hori izan daitekeelako euskararentzako sarbide eraginkorra.


2019-04-21
Daniel López Moreno (Ablitas, 1948)

Irakasle erretiratua, Tuterako Beterri peñako kidea, Geroa Baiko militantea eta euskaltzale sutsua. Bere hiru semeek Argia Ikastolan ikasi dute. Azken zortzi urteotan Tuterako Olentzero izan da. Hori aski ez eta inguruko herri eta ikastetxeetan ikazkinarena egiten du pozarren.


2019-04-21
Beterri

“Beterri peña, euskaldunen eta euskaltzaleen topagunea da Tuteran. Abesbatzak eta txistularien saioak izaten dira, edo haur txikientzako emanaldiak. Oso jator ari dira lanean, eta gainera, erreleboa lortzen ari da 25 urte inguruko gazte kuadrilla gogotsu bat sartu delako. Bazkide gehiago ezin da egin goraino dagoelako betea eta jaietan mundu guztia hara joaten da. Bitxia da ikustea nola eskuindarrak ere arazorik gabe ikurrinaren azpitik pasatzen diren tabernara sartzeko”.


2019-04-21
Euskara denontzat

“Hemengo jesuitei edo mojen eskoletakoei kritika egin behar diet: Nola liteke euskara ez balego bezala aritzea? Eskolatik aterako dira jakin gabe Goikoetxea zer den edo bat-bi-hiru kontatzen jakin gabe. Gutxieneko bat behar da, ez soilik A ereduan, G ereduan ere bai. Abesti batzuk, ezagutza minimo batzuk… Derrigorra beharko luke izan Nafarroa osoan. Ingurua ezagutzearen barruan sartzen da”.
 


Bilboren 'B' aldea
Salgai dagoen hirian, gazteria ikusezin

Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.


Mali, Mendebaldea galtzen ari den ezkutuko gerra

2019ko lehen hiruhilekoan ia 90.000 maliarrek etxetik alde egin behar izan dute, Maliko ipar eta erdialdean aspaldi errotua den biolentziatik ihesi. 2013tik hona, zonalde horretan daude barreiatuta Nazio Batuen 15.209 militar eta polizia eta AEBetako tropa eta mertzenarioen kopuru ezezaguna.


Azkenak
Eguneraketa berriak daude