Emakumeak borrokan

"Eskola bizia, herri bizia" dokumentala aurkeztu dute

  • Gipuzkoako Eskola Txikien Koordinakundeko kide Irati Aldazabalek eta dokumentalaren egile den Iñaki Alcaldek (Larraulgo gurasoa) ordubeteko iraupena duen filma aurkeztu dute Koldo Mitxelenan. Bertan, adin ezberdineko ikasleak nahasten dituen ikasgela baten funtzionamendua erakusten da gela barrutik, eta eskolak herrian duen eragina islatzen da, alkate eta gurasoen hitzetan eta ekintzetan. Eskola eredu honen balioak gizarteratzeko egin dute dokumentala.

    Estreinaldia Tolosako Leidor zineman izango da ostiralean, 19:00etan. Eta igandean Larraulen, Eskola Txikien 25. Festan bi emanaldi eskainiko dira (11:00etan eta 16:00etan).

2012ko maiatzaren 29a
581

Aurkeztutako trailerraren lehen hitzek zuzen sartzen dute mezua: "Ez gara bost urteko talde bat; gara Maider, gara Ekhi, gara Galder... gara pertsonak". Berrobiko eskolako "energia eta kotxeak" zientzia proiektuaren jarraipena ikusiko dugu, hasi eta buka eta bere bidez eskola txiki bateko gelan sartuko gara, talde txikia izateak eta adin aniztasunak baimentzen duen pedagogia ulertzeko. Udaletako alkateen ahotik jasoko dugu eskolak herri txikiak bizirik mantentzeko duten garrantziaren oihartzuna "herriaren bihotza" direla alegia. Eta gurasoek partehartzea eta ekimena helarazten dute: eskola hauek mantentzeko elkartzea eta auzolana ezinbesteko direla. Eskolen hiru zutabeak (udala, irakasleak eta guraso-ikasleak) islatzen dituen hiru hankako aulkia da dokumentalaren sinboloa.

Irati Aldazabalek Iñaki Alcalderi eskertu dio "ametsa zena errealitate bihurtu izana", eta Iñaki Alcaldek beste hainbat alorren artean soinu banda nabarmendu du: Borja Rodriguezek konposatu du, eta "azaldu nahi izan dugunaren adibide ere bada Borja" gaineratu du Alcaldek. Rodriguez Aizarnazabalgo eskola txikian ikasitakoa da, eta egun Los Angelesen (AEB) bizi da, Hollywoodeko zinema industriarentzat musika sortuz. "Oso hitz gutxirekin berehala ulertu zuen nahi genuena eta dokumentala biribildu du" aipatu du esker onez Alcaldek.

Dokumentalaren trailerra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Miren Segurola, UEMAko koordinatzailea
"Turismoa sustatzen ari gara Kantabrian bagina bezala"

Bermeora, Zumaiara eta Leitzara etorritako bisitariei galdetu zaie ea zer iritzi duten euskararen inguruan, eta bisitarien %95ak erantzun du ez duela inolako arazorik izan euskararekin. Askok estimatu dute tokiko hizkuntza ezagutzeko aukera eta batzuek esan dute herri horietara joateko arrazoietako bat dela euskara. Aldiz, gurean, Game of thrones-en sukarrak eraginda, turismo eragileak euskara ezkutatu nahian dabiltza. UEMAk bideratu ditu hiru inkestak hiru herrietan eta Miren Segurolari egin... [+]


2019-04-21 | Reyes Ilintxeta
Daniel López Moreno, Erriberako Olentzero
"UPN-k ez du ikusi nahi hemen dagoena"

Nafarroako Behe Erriberan euskararen irakaskuntzak lau hanka ditu: Argia Ikastola 230 ikaslerekin, A eredua (euskara ikasgai duela) ikastetxe publikoetan 910 ikaslerekin, AEK 60 ikaslerekin eta Hizkuntza Eskola 28rekin. Daniel López Moreno euskaltzaleak argi du A eredua bultzatu behar dela eskualde honetan, hori izan daitekeelako euskararentzako sarbide eraginkorra.


2019-04-21
Daniel López Moreno (Ablitas, 1948)

Irakasle erretiratua, Tuterako Beterri peñako kidea, Geroa Baiko militantea eta euskaltzale sutsua. Bere hiru semeek Argia Ikastolan ikasi dute. Azken zortzi urteotan Tuterako Olentzero izan da. Hori aski ez eta inguruko herri eta ikastetxeetan ikazkinarena egiten du pozarren.


2019-04-21
Beterri

“Beterri peña, euskaldunen eta euskaltzaleen topagunea da Tuteran. Abesbatzak eta txistularien saioak izaten dira, edo haur txikientzako emanaldiak. Oso jator ari dira lanean, eta gainera, erreleboa lortzen ari da 25 urte inguruko gazte kuadrilla gogotsu bat sartu delako. Bazkide gehiago ezin da egin goraino dagoelako betea eta jaietan mundu guztia hara joaten da. Bitxia da ikustea nola eskuindarrak ere arazorik gabe ikurrinaren azpitik pasatzen diren tabernara sartzeko”.


2019-04-21
Euskara denontzat

“Hemengo jesuitei edo mojen eskoletakoei kritika egin behar diet: Nola liteke euskara ez balego bezala aritzea? Eskolatik aterako dira jakin gabe Goikoetxea zer den edo bat-bi-hiru kontatzen jakin gabe. Gutxieneko bat behar da, ez soilik A ereduan, G ereduan ere bai. Abesti batzuk, ezagutza minimo batzuk… Derrigorra beharko luke izan Nafarroa osoan. Ingurua ezagutzearen barruan sartzen da”.
 


Bilboren 'B' aldea
Salgai dagoen hirian, gazteria ikusezin

Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.


Mali, Mendebaldea galtzen ari den ezkutuko gerra

2019ko lehen hiruhilekoan ia 90.000 maliarrek etxetik alde egin behar izan dute, Maliko ipar eta erdialdean aspaldi errotua den biolentziatik ihesi. 2013tik hona, zonalde horretan daude barreiatuta Nazio Batuen 15.209 militar eta polizia eta AEBetako tropa eta mertzenarioen kopuru ezezaguna.


Azkenak
Eguneraketa berriak daude