Baionako Auzitegiak errugabetzat jo ditu 2024ko martxoaren 14an, Korrikaren lehen egunean, Afrikatik etorritako 36 pertsona Irun eta Hendaia arteko muga igarotzen lagundu zituzten zazpi militanteak. 2025eko urriaren 2an epaitu zituzten zazpi kideak, eta asteartean errugabe izendatu dituzte. Hauexek izan dira zazpi epaituak: Argitxu Dufau eta Eñaut Aramendi LAB sindikatuko kideak; Jakes Bortairu eta Dominika Dagerre EH BAI eta Etorkinekin Kolektiboko kideak; Aintzane Lasarte eta Fernand Perret Bidasoa Etorkinekin taldekoak; eta Thomas Dubois La France Insoumiseko kidea. “Pertsonen trafikoko talde antolatuaren” ustezko delitua egitea leporatuta, fiskaltzak 1.000 eta 1.500 euro arteko isunak eskatu zituen. Euskal Herrian auzipetuen babesean autoinkulpazio kanpaina ekin zen, J’accouse (Salatzen dut) lemapean eta 5.000 sinadura inguru bildu ziren.

Desobedientzia zibileko ekintzaren bidez, Santiagoko zubia, hainbat migratzailek bizia galdu duten tokia, igarotzea lortu zuten 36 migratzailek, dozenaka herritarren laguntzarekin. Ekintzaren bidez inor ez dela ilegala aldarrikatu zuten, eskubide berdintasuna, zirkulazio librea eta migrazio politika “arrazista eta hiltzaileen” aldaketa eskatu bitartean.