Zubigintza sendotzea izango da aurtengo erronka nagusia. Harreman berriak eraiki eta ekimenaren mugak zabaltzea. Herrilana aukeratu dute lelo gisa, eta proiektuaren “elkartasuna, auzolana eta burujabetza” islatu nahi dituzte. Bideo bat aurkeztu dute aurtengo helburuen berri emateko.

Pasa den urtean bezala, ikasturte honetan ere bi dira ekimenak eskaintzan dituen saskiak: zuria eta beltza. Lehena Errigoraren hastapenetatik mantentzen den sorta da. Bigarrena, aldiz, berrikuntzekin dator. Errigora.eus webgunean egin daitezke eskaerak.

Orain arte eginiko ibilbidea oparoa izan delakoan dira; halaber, ezinbestean, “lanean jarraitzea funtsezkoa” dela jakitun dira Errigorako kideak. Nafarroaren hegoaldean euskararen normalizazioa hauspoa hartu dezan, lurra eta euskara batu dituzte, ekoizpen eredu bat ardatz hartuta. Ekoizle eta kontsumitzaileen arteko zubiak eraikitzea lortu dute, eta auzolana eta burujabetza sendotu dituzte.

Aurtengo ekitaldi nagusia azaroko lehen astean izango da: Porrotxek, ekoizleek, Euskal Herri zabaletik saskiak prestatzera hurbildutako bolondresek, eta Erribera aldeko euskaltzaleek, besteak beste, inoizko elkarlanik handiena irudikatuko dute, Ablitasen, Nafarroan.

Aurrerago egitasmo gehiagoren iragarriko dituzte, Errigorako saskiak Euskal Herriko txoko guztietara iritsi daitezen.