60 bat pertsona bildu ziren Baionako auzitegiaren aitzinean, errepresio politikoaren salatzeko. Talde desberdinak dira batu egoera larriaren azpimarratzeko: Jardun, U14, Ostia sarea, J’Accuse, Ipar Euskal Herriko Kontseilu Sozialista, Lagundu edota Blokatu kolektiboak besteak beste.

Azken bi urteetan Ipar Euskal Herriko hainbat mugimendu politiko eta sozialetako militanteek azkarki jasan dutela errepresio horren gogortzea erran dute. Bederatzi auzi eta 31 auzipetu kondatu dituzte baina errepresioak beste forma ainitz ere hartzen dituela azpimarratu dute: atxiloaldiak, miaketak, DNA aztarnen hartzea, segipenak edota itotze ekonomikoak.

Errepresio hori militanteen beldurtzeko eta mugimenduen ahultzeko tresna dela salatu dute. Horren kontra borrokatzeko manifestaldia eginen dute maiatzaren 16an bost orenetan.