Erdoganek garaipena lortu du Turkian, hauteskundeetako bigarren itzulian

  • Botoen %52,1ekin irabazi du Erdoganek, eta aurkariak, Kemal Kiliçdarogluk %49,7eskuratu du. Emaitzak ezagutu ondoren, nazioarteko buruzagiek Erdogan zoriondu dute.

Erdogan hauteskundeak irabazi ondoren egindako hitzaldian. Argazkia: Recep Tayyip Erdogan.

2023ko maiatzaren 29an - 11:09
Azken eguneraketa: 13:12

Recep Tayyip Erdogan Turkiako egungo buruzagiak garaipena lortu du presidentetzarako hauteskundeetako bigarren itzulian, Turkiako Hauteskunde Batzordeak iragarri duenez. Maiatzaren 14an, hautagaietako batek ere ez zuen lortu behar den gehiengoa, estatuburu izateko presidentetzarako hauteskundeen lehen itzulian.

Botoen %99,5 zenbatuta, Erdoganek botoen %52,1 jaso du, eta haren aurkariak, Kemal Kiliçdaroglu sozialdemokratak %47,9, Turkiako Hauteskunde Batzordeko Ahmet Yener lehendakariak agerraldi publiko batean jakinarazi duenez.

Emaitzak behin behinekoak badira ere, zenbatu gabe geratzen diren boto gutxiek ezin dute garailea aldatu. Behin betiko zifrak balizko helegiteak argitu ondoren jakinaraziko dituzte.

"Datozen bost urteetan, herrialdea kudeatzeko ardura gure esku geratu da", esan die Erdoganek Istanbulgo jarraitzaileei, eta gogoratu du hurrengo hitzordua 2024an izango dela, herrialdean udal hauteskundeak egiten direnean.

Europako agintariek Erdogan zoriondu dute

Olaf Scholz kantziler alemaniarrak Erdogan zoriondu du. Bestalde, Emmanuel Macron frantziar presidenteak erronkei elkarrekin aurre egiteko gonbita egin dio Erdogani; erronka horien artean daude Euroatlantiar aliantza eta "bakea Europara itzultzea".

Europako Kontseiluko Charles Michel lehendakariak eta Europako Batzordeko Ursula von der Leyen lehendakariak ere Erdogan zoriondu dute, eta interesa agertu dute Europar Batasunaren eta Turkiaren arteko harremanei eusteko. "Garrantzi estrategikoa du EBrentzat eta Turkiarentzat harreman horretan aurrera egiteko lan egiteak, gure herriaren mesedetan", esan du Von der Leyek.


Kanal honetatik interesatuko zaizu: Nazioartea
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Eguneraketa berriak daude