Erabakitzeko eskubidea konstituzionala da... autodeterminazioa ez bada
Espainiako Auzitegi Konstituzionalak baliogabetzat jo du Kataluniako Parlamentuaren subiranotasun aldarrikapena. Ebazpenaren arabera, Katalunia "subjektu politiko eta juridiko burujabe" gisa definitzen duen artikuluak Konstituzioa urratzen du. Erabakitzeko eskubideari erreferentzia egiten dion puntua ez du Konstituzioaren aurkakotzat jo, baldin eta "zilegitasun demokratiko", "aniztasun" eta "legezkotasun" printzipioetan oinarritutako prozeduren bidez gauzatzen bada.
Kataluniaren subiranotasun aldarrikapenaren aurkako helegitea (pdf) bost puntutan laburbildu du Vilaweb agerkariak.
Subiranotasun printzipioa baliogabetu du
Auzitegiak arrazoia eman dio Espainiako Gobernuak jarritako helegiteari, eta Katalunia "subjektu politiko eta juridiko burujabe" gisa definitzen duen puntuak Konstituzioaren hainbat artikulu urratzen dituela ebatzi du, 1.2 eta 2. esaterako, Espainiako batasun printzipioa kolokan jartzen duen neurrian.
"Erabakitze eskubidea" konstituzionala da, baldin eta "autodeterminazioa" esan nahi ez badu
Erabakitzeko eskubidea aldarrikatzen duen puntuak ez du Espainiako Konstituzioa urratzen, betiere legezko prozeduren bidez gauzatuko balitz, "zilegitasun demokratiko", "aniztasun" eta "legezkotasun" printzipioetan oinarrituta. Konstituzionalak dioenez, ordea, autonomia erkidego batek ezin du erreferendumik deitu Espainiaren baitan jarraitu nahi duen ala ez erabakitzeko.
Kataluniaren subiranotasuna "bateraezina" da Konstituzioarekin
Aurrerago ere esan dugu. "Subiranotasun" aldarrikapenak Konstituzioaren 2. artikulua urratzen du, zeinak dioen: "Konstituzioa espainiar nazioaren batasun zatiezinean oinarritzen da, hura baita espainiar guztien aberri komun banaezina; Konstituzioak aitortu eta bermatu egiten du Espainia osatzen duten nazionalitate eta herrialdeen autonomia-eskubidea, bai eta horien guztien arteko elkartasuna ere".
"Konstituzioa ordenamendutik erreformatu daiteke"
Konstituzioa erreformatzeko aukera badagoela ebatzi du Auzitegiak, baldin eta "printzipio demokratikoak" errespetatzen badira, alegia, Konstituzioak jasotzen dituen gainerako mandatuak urratzen ez badira, eta Konstituzioak zehazten dituen prozeduren arabera egiten baldin bada, besteak beste.
Subiranotasun aldarrikapenak eskuduntza gehitxo ematen dio Generalitateari eta Kataluniako Parlamentuari
Auzitegi Konstituzionalaren arabera, "Espainiako nazioa osatzen duten nazionalitateei onartzen zaien autonomiatik harago doa" subiranotasun aldarrikapena.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]